ජාත්යන්තර කාන්තා දින ජාතික සැමරුම අග්රාමාත්ය ආචාර්ය හරිනි අමරසූරිය මැතිණියගේ ප්රධානත්වයෙන් රුහුණ විශ්වවිද්යාලයීය රවින්ද්රනාත් තාගෝර් ශාලාවේදී පැවැත්විණි.
වාර්ෂිකව මාර්තු මස 08 වන දිනට යෙදී තිබෙන ජාත්යන්තර කාන්තා දිනයට සමගාමීව කාන්තා සහ ළමා කටයුතු අමාත්යාංශය සහ ඊට අනුබද්ධිත ශ්රී ලංකා කාන්තා කාර්යාංශය විසින් මෙම නිල සැමරුම සංවිධාන කර තිබුණි.
මෙවර එය සැමරුනේ "පොහොසත් රටක අබිමන - ඇය වේ දැයක පෙරමග" යන තේමාව පෙරටු කර ගනිමිනි.
මෙම අවස්ථාව එක් වූ කාන්තා සහ ළමා කටයුතු ගරු අමාත්ය සරෝජා සාවිත්රි පෝල්රාජ් මහත්මිය,
“කාන්තාව කියන්නෙ ස්ත්රී - පුරුෂ සමාජභාවය පෙන්වන ලේබල් එකක් නෙවෙයි. කාන්තාවක් එහෙම නැත්නම් මම වැඩිපුරම කැමති විදියට කිව්වොත් "ගැහැණියක්" කියන්නෙ ඕනෑම අභියෝගයක් හමුවේ නොසැලී සිටිය හැකි මහා ශක්තියට කියන සමාන පදයක්.රට දේශපාලනිකව, ආර්ථිකව සහ සමාජයීයව අර්බුදයට පත්වෙද්දි තම ලයේ එරුණු කිරි ටික හංගගෙන, අවුරුදු දෙකකටත් වඩා අඩු දරු පැටියාව නිවසේ තබා ගව් ගණනක් දුර ඈත රටවලට ඔබ ගියේ තමන්ගේ දරුවන් පමණක් නොව, මේ දේශයම ජීවත් කරවන්නට ඩොලර් සෙවීමේ අරමුණින්.ඒ වැගිරූ හැම කඳුළු බිඳුවකටම, හැම දාඩිය බිඳුවකටම වටිනාකමක් ලබා දෙන යුගය දැන් උදා වී තිබෙනවා.”
කාන්තා දින ජාතික සැමරුම ඇමතූ නියෝජ්ය අමාත්ය වෛද්ය නාමල් සුදර්ශන මහතා,
“ස්ත්රී - පුරුෂ සමාජභාවය වැරදි සහගත ලෙස වර්ගීකරණය කරමින් ගොඩනැඟුණු අසාධාරණ සමාජ දෘෂ්ටිකෝණයන් නිවැරදි කිරීමේ අභියෝගය අප අද භාරගෙන සිටිමු. එම පටු ආකල්පවලින් මිදී, ස්ත්රිය සතු මානුෂීය ශක්තිය සහ ඇගේ සැබෑ භූමිකාව හඳුනා ගැනීම අපගේ ප්රමුඛතම ජීවන දර්ශනය බවට පත්ව ඇත.”
ශ්රී ලංකා කාන්තා කාර්යාංශය විසින් ජාත්යතර කාන්තා දිනය වෙනුවෙන් ප්රකාශයට පත් කළ "කාන්තා සවිය " සඟරාවේ විශේෂ කලාපය අග්රාමාත්යතුමිය, අමාත්යවරුන් ඇතුළු සම්භාව්ය අමුත්තන් වෙත පිළිගැන්වීම වැඩසටහන අතරතුර සිදු කෙරුණි.
මුළු දිවයිනම නියෝජනය කරනු ලබන කාන්තා ව්යවසායිකාවන් අතුරින් දිස්ත්රික් මට්ටමින් හොඳම ව්යවසායිකාවන් ලෙස තේරී පත්වුණු ව්යවසායිකාවන් 25 දෙනෙකු ඇගයීම ද මෙහිදී සිදුවිය.
මීට අමතරව ජපන් ජාත්යන්තර සහයෝගීතා නියෝජිත ආයතනය (JICA) විසින් කාන්තා සහ ළමා කටයුතු අමාත්යාංශය සමඟ ඒකාබද්ධව සවිබල ගන්වන ලද ව්යවසායිකාවන් ඇගයීම ද මෙහි දී සිදුවිය.
