අදානි සමාගම විසින් ශ්රී ලංකාවේ මන්නාරම සහ පූනරින් හි ක්රියාත්මක කිරීමට යෝජිත මෙගාවොට් 484ක සුළංබල ව්යාපෘති අවලංගු කර ඇති බවට පළවන වාර්තා ප්රතික්ෂේප කරනු ලබන බව අදානි සමූහය පවසයි.
මේ සම්බන්ධයෙන් නිල ප්රකාශයක් නිකුත් කරමින් එහි ප්රකාශකයෙකු පවසන්නේ, එම වාර්තා අසත්ය හා නොමග යවනසුළු ඒවා බවයි.
2025 ජනවාරි 2 වන දින ශ්රී ලංකා කැබිනට් මණ්ඩලය විසින් 2024 මැයි මාසයේදී අනුමත කරන ලද ගාස්තු, නැවත ඇගයීමට ගත් තීරණය නව රජය විසින් සිදු කරන ලද සම්මත සමාලෝචන ක්රියාවලියක් බවත්, සමාලෝචනය රටේ යාවත්කාලීන කරන ලද බලශක්ති ප්රතිපත්ති සහ ප්රමුඛතා සමග පෙළගැස්වීම සහතික කිරීම අරමුණු කර ගෙන ඇති බවත් ඔවුන් විසින් නිකුත් කරන ලද නිවේදනයේ සඳහන් වේ.
මෙම ව්යාපෘති අවංලගු කර නොමැති බවට අවධාරණය කරනු ලබන අදානි සමූහය පවසන්නේ, ශ්රී ලංකාවේ හරිත බලශක්ති අංශයේ ඩොලර් බිලියන 1ක ආයෝජනයක් වෙනුවෙන් සිය කැපවීම අවධාරණය කරනු ලබන බවයි.
අද (24) දෙස් විදෙස් මාධ්ය ගණනාවක්ම, ශ්රී ලංකාවේ මෙම අදානි ව්යාපෘති අවලංගු කර ඇති බවට වාර්තා පළ කර තිබුණි.
අදානි සමාගම විසින් නිකුත්කළ නිවේදනය,
Media Statement- Adani Group_January 24 2025 (2) by poornima on Scribd
