චීනයේ පිහි ඇනුමක්

දකුණු දිග චීනයේ සිදුකළ පිහි ඇනුමකින් 10 හැවිරිදි ජපන් ජාතික සිසුවෙක් මියගොස් තිබේ.

එරට ජපන් පාසලක අධ්‍යාපනය ලබමින් සිටි සිසුවෙක් මෙලෙස ඝාතනයට ලක්වී ඇති බව විදෙස් මාධ්‍ය වාර්තා කරයි.

ඝාතනය සිදුකළ 44 හැවිරිදි සැකකරු චීන ආරක්ෂක අංශ විසින් අත්අඩංගුවට ගෙන ඇති අතර ඝාතනයට හේතුව මෙතෙක් අනාවරණය වී නොමැත.

මේ සම්බන්ධයෙන් චීන රජයෙන් කරුණු පැහැදිලි කිරීමක් ඉල්ලා ඇති ජපාන විදේශ කටයුතු අමාත්‍ය යොකෝ කමිකාවා ප්‍රකාශ කර ඇත්තේ කිසිදු රටකදී කුඩා ළමයින් ඉලක්ක කර ගනිමින් මෙවැනි සිදුවීම් සිදුනොවිය යුතු බවය.

චීනයේ ඇතැම් ප්‍රදේශවල විදේශිකයින් ඉලක්ක කරගනිමින් සිදුවන ප්‍රහාරවල ඉහළ යාමක් නිරීක්ෂණය වී ඇති බවද විදෙස් මාධ්‍ය වැඩිදුරටත් පෙන්වා දී තිබේ.