උණුසුම් පුවත්
ශ්රී ලංකා ඔලිම්පික් බලාපොරොත්තුව තරුෂි අද තරග බිමට
Aug 02, 202412:42 PM
'පැරිස් 2024' ඔලිම්පික් උළෙලේ ශ්රී ලංකාවේ ප්රධාන බලාපොරොත්තුවක් වන තරුෂි කරුණාරත්න සහභාගී වන කාන්තා මීටර් 800 ඉසව්වේ මූලික වටයේ තරග අද (02) පැවැත් වෙයි.
මෙම තරග මෙරට වේලාවෙන් අද රාත්රී 11.15ට ආරම්වීමට නියමිතය.
තරුෂි එහි 06වැනි මූලික තරගයට සහභාගී වන අතර, එම තරග ඉසව්ව මෙරට වේලාවෙන් මධ්යම රාත්රී 12.00ට ආරම්භකිරීමට නියමිතව ඇත.
මෙවර පැරිස් ඔලිම්පික් උළෙලේ මීටර් 800 කාන්තා ඉසව්වට සුදුසුකම් ලැබූ ක්රීඩිකාවන් අතරින්, ආසියානු කලාපයම නියෝජනය කර සිටින්නේ තරුෂිට අමතරව තවත් ක්රීඩිකාවන් තිදෙනෙකු පමණි.
එම ක්රීඩිකාවන් පලස්තීනය, කුවෙට් හා බහරේනය නියෝජනය කරමින් තරග වඳිනු ඇත.
එමෙන්ම තරුෂි තරගවදින 06වැනි මූලික තරගයේ සිටින එකම ආසියානු ක්රීඩිකාවද ඇය පමණක් වෙයි.
