ස්ලෝවැකියාවේ අගමැතිට වෙඩි ප්‍රහාරයක්
May 15, 2024 06:54 pm
ස්ලෝවැකියාවේ අග්‍රාමාත්‍ය රොබට් ෆිකෝට වෙඩි ප්‍රහාරයක් එල්ලවී තිබේ.
විදෙස් මාධ්‍ය වාර්තා කර ඇත්තේ වෙඩිතැබීමෙන් තුවාල ලැබූ අග්‍රාමාත්‍ය රොබට් ෆිකෝ රෝහල්ගතකර ඇති බවය.
කැබිනට් රැස්වීමකින් පසුව මෙම වෙඩි තැබීම සිදුව ඇති බව විදෙස් මාධ්‍ය වැඩිදුරටත් වාර්තා කර තිබේ.
විදෙස් මාධ්‍ය වාර්තාවලට අනුව අගමැති ෆිකෝගේ උදරයට, පාදයකට සහ අතකට වෙඩි වැදී ඇති බවට වාර්තාවෙයි.
සිද්ධියෙන් තුවාල ලැබූ ස්ලෝවැකියා අගමැතිවරයාගේ තත්ත්වය බරපතළ බව විදෙස් මාධ්‍ය වාර්තාවල සඳහන් වෙයි.
ප්‍රහාරයෙන් සුළු වේලාවකට පසු සැකකරු ආරක්ෂක අංශ විසින් අත්අඩංගුවට ගෙන තිබේ.
71 හැවිරිදි වියේ පසුවන ඔහු මධ්‍යම ස්ලෝවැකියාවේ ගම්බද ප්‍රදේශයක පදිංචිකරුවෙකු බව ද විදෙස් වාර්තාවල සඳහන් වෙයි.
වෙඩි තැබීමට හේතුව මෙතෙක් අනාවරණ වී නොමැත.
