චැනල් ෆෝ රූපවාහිනි නාලිකාව මගින් විකාශනය කරන ලද වාර්තා වැඩසටහන තුළින් ශ්රී ලංකාව රජයට සහ හමුදාවලට එරෙහිව එල්ලවන චෝදනා රජය විසින් සම්පූර්ණයෙන්ම ප්රතික්ෂේප කර තිබේ.
ජාත්යන්තර එල්. ටී. ටී. ඊ ජාලයෙන් ලැබෙන මුදල් චැනල් ෆෝ වැනි විදෙස් නාලිකා මගින් මෙවැනි වීඩියෝ පට නිර්මාණය කරන බව ආරක්ෂක ලේකම් ගෝඨාභය රාජපක්ෂ මහතා පවසයි.
ශ්රී ලංකාවේ යුද අපරාධ සිදුවූ බවට ජාත්යන්තර තුළ අසත්ය ප්රචාර ගෙනයාම ඒ තුළින් බලාපොරොත්තු වන බව ආරක්ෂක ලේකම්වරයා පෙන්වාදෙයි.
සාමාන්ය ද්රවිඩ ජනතාව සහ රජයට යටත් වූ එල්. ටී. ටී. ඊ සාමාජිකයින්ට ශ්රී ලංකා රජය යහපත් අයුරින් සැලකූ බව උදාහරණ සහිතව පෙන්වාදිය හැකි බව අද දෙරණ වෙත අදහස් දක්වමින් රාජපක්ෂ මහතා සඳහන් කළේය.
බෝට්ටුවකින් විදෙස් රටකට පලායාමට තැත්කිරීමේදී අත්අඩංගුවට ගනු ලැබූ මුහුදු කොටි නායක සූසෙයිගේ පවුලේ සාමාජිකයින් පවා පිළිගෙන රජය ඔවුන් වෙත යහපත් අයුරින් සැලකූ බව ඔහු කියා සිටියේය.
එමෙන්ම එල්.ටී.ටී.ඊ නායක ප්රභාකරන්ගේ මව්පියන්ට ද රජය සාමාන්ය සිවිල් වැසියන් ලෙස සැලකූ බව හෙතෙම ප්රකාශ කළේය.
ශ්රී ලංකා රජයට යටත් වූ, ත්රස්තවාදී ක්රියාවලට සම්බන්ධ වූ බව පිළිගත් හිටපු එල්.ටී.ටී.ඊ සාමාජිකයින් 11,000 ක් පුනරුත්ථාපනය කළ බවත්, අත්අඩංගුවට ගත් ත්රස්තවාදීන් බව පිළිනොගත් නමුත් ඒ බව ඔප්පු වූ තවත් පුද්ගලයින් 4000 ට ආසන්න ප්රමාණයක් මේ වනවිට පුනරුත්ථාපනය කෙරෙන බවත් ආරක්ෂක ලේකම්වරයා සඳහන් කළේය.
චැනල් 4 වීඩියෝව ව්යාජ වීඩියෝවක් බවත්, එය නිර්මාණය කරන ලද්දක් බව පෙනීයන බව ද හෙතෙම පෙන්වාදුන්නේය.
ලෝකයේ දරුණුතම ත්රස්තවාදියා ලෙස ජාත්යන්තරය පිළිගත් බින් ලාඩන්ගේ පවුලේ සාමාජිකයින් ඝාතනයට ලක්වුවද චැනල් ෆෝ නාලිකාව ඒ පිළිබඳව ප්රශ්න නොකළ බව රාජපක්ෂ මහතා කියා සිටියේය.
බිල් ලාඩන්ගේ පාර්ශවයෙන් ඒ සඳහා මුදල් ලබානොදීම ඊට හේතුව බව ද වැඩිදුරටත් අදහස් දැක්වූ ආරක්ෂක ලේකම් ගෝඨාභය රාජපක්ෂ මහතා ප්රකාශ කළේය.
