යෝෂිත රාජපක්ෂ මහතා යලි නාවික හමුදා සේවයේ පිහිටුවීම සම්බන්ධයෙන් වන නියෝගයට නාවික හමුදාපතිවරයා විසින් අත්සන් තබා තිබේ.
සේනාධිනායක ලෙස ජනාධිපති මෛත්‍රීපාල සිරිසේන මහතාගේ උපදෙස් මත නාවික හමුදාපතිවරයා අදාල නියෝගයට අත්සන් තබා ඇති බව නාවික හමුදා මාධ්‍ය ප්‍රකාශක ලුතිනන් කමාන්ඩර් ඉසුර සූරියබණ්ඩාර මහතා පැවසුවේ.
ඒ අනුව 2016 වසරේ පෙබරවාරි මස 28 වනදා සිට බලපැවැත්වෙන පරිදි යෝෂිත රාජපක්ෂ මහතා නාවික හමුදා ලුතිනන් තනතුර සඳහා යලි පත් කර ඇති බව මාධ්‍ය ප්‍රකාශකවරයා සදහන් කළේය.
2006 වසරේ නාවික හමුදාවේ සේවයට එක් වු යෝෂිත රාජපක්ෂ මහතා නාවික හමුදා ලුතිනන්වරයෙකු ලෙස කටයුතු කරමින් සිටින අතරතුර 2016 වසරේදී සිදුකෙරුණු විමර්ශනයක් හේතුවෙන් ඔහුගේ සේවය අත්හිටුවීමට පියවර ගැනුණි.
ඒ අනුව 2016 පෙබරවාරි මස 28 වන දින සිට බලපැවැත්වෙන පරිදි ආරක්ෂක අමාත්‍යංශය විසින් යෝෂිත රාජපක්ෂ මහතාගේ සේවය අත්හිටවු අතර ඔහුගේ වැටුප් හා දීමනාද වහාම ක්‍රියාත්මක වන පරිදි නැවැත්යි.
CSN රූපවාහිනි නාලිකවේ සිදු වී ඇති මුදල් වංචා සම්බන්දයෙන් යෝෂිත රාජපක්ෂ මහතාවට එරෙහිව පොලිස් මූල්‍ය අපරාධ කොට්ඨාසය විසින් පරීක්ෂණයක් ආරම්භ කර කළේය.
එම නිසා සිදුකරනු ලබන පරීක්ෂණ ස්වාධීනව පවත්වාගෙන යායුතු බැවින් ඔහුගේ සේවය අත්හිටුවන ලෙස පොලිස් මූල්‍ය අපරාධ කොට්ඨාසය විසින් සිදුකරනු ලැබූ ඉල්ලීමක් අනුව ඔහුගේ සේවය අත්හිටුවීමට කටයුතු කර තිබුණි.
තවද නාවික හමුදා මූලස්ථානයේ අවසරයකින් තොරව යෝජිත රාජපක්ෂ මහතාට නාවික හමුදා කඳවුරකට ඇතුළුවිය නොහැකි බවදට තහනම් පනවා තිබුණේය.
