ක්‍රීඩා
පාකිස්තාන තුන්කොන් සටන පැතුම්ට අහිමි වෙයි
පාකිස්තානයේ පැවැත්වෙන තුන්කොන් එක්දින ක්‍රිකට් තරගාවලියට ආරම්භක පිතිකරු පැතුම් නිස්සංක එක් නොවනු ඇති බව ශ්‍රී ලංකා ක්‍රිකට් අද (15) පස්වරුවේ නිවේදනය කළේය.
ශ්‍රී ලංකා කණ්ඩායම අවසන්වරට සිදුකළ එංගලන්ත සංචාරය අතරතුරදී පැතුම් වම් පාදයේ කලවා ආශ්‍රිත ආබාධයකට ලක්වූ අතර, ඒ හේතුවෙන් ඔහුට නැවත ක්‍රීඩා කිරීම සඳහා තවමත් වෛද්‍ය අනුමැතිය ලබාදී නොමැත.
ඒ අනුව පැතුම්ගෙන් පුරප්පාඩුවන ශ්‍රී ලංකා සංචිතයට ළහිරු උදාර නම් කිරීමට ක්‍රිකට් තේරීම් කමිටුව පියවරගෙන තිබේ.
ශ්‍රී ලංකාව නියෝජනය කරමින් එක්දින හා විස්සයි20 තරග ක්‍රීඩාකර ඇති ළහිරු, මේ දක්වා ජාත්‍යන්තර එක්දින තරගයක් ක්‍රීඩාකර නොමැත.
පාකිස්තානය සහ එංගලන්තයේ සහභාගිත්වයෙන් පැවැත්වෙන මෙම තුන්කොන් එක්දින තරගාවලිය එළැඹෙන 18වැනිදා පැවැත්වෙන ශ්‍රී ලංකා - පාකිස්තාන තරගයෙන් ආරම්භ වේ.
