වෙනත් පුවත්
විදෙස් රටක නිෂ්පාදිත ගිනිඅවියක් සහ ජීව උණ්ඩ සමඟ අයෙකු මාට්ටු
වීරකැටිය, කිංචිගුනේ ප්‍රදේශයේදී විදෙස් රටක නිෂ්පාදිත ගිනිඅවියක් සහ ජීව උණ්ඩ 6ක් සමඟ සැකකරුවකු වීරකැටිය පොලීසිය විසින් අත්අඩංගුවට ගෙන තිබේ.
වීරකැටිය පොලිස් ස්ථානාධිපති ප්‍රධාන පොලිස් පරීක්ෂකවරයාට ලද රහසිගත තොරතුරක් මත මෙම වැටලීම සිදුකර ඇත.
පොලිස් නිලධාරීන් විසින් කිංචිගුනේ ප්‍රදේශයේ පිහිටි සැකකරුගේ නිවස පරීක්ෂා කිරීමේදී, ඔහු නිදා ගන්නා ඇඳේ මෙට්ට දෙකක් අතර සඟවා තිබී මෙම ගිනිඅවිය සහ ජීව පතුරම් සොයාගෙන තිබේ.
අත්අඩංගුවට ගෙන ඇති සැකකරු 35 හැවිරිදි අයෙකි.
සිද්ධිය සම්බන්ධයෙන් වීරකැටිය පොලීසිය වැඩිදුර විමර්ශන පවත්වයි.
