පියැසි පාදක සූර්ය බල ශක්තිය එක් කිරීමේ සහ අථත්‍ය ශුද්ධ මනුකරණය පිළිබඳ ව්‍යාපෘතිය සඳහා යුරෝපා සංගමය හා ජපාන රජයේ ප්‍රධාන සංරචකයක් සහිතව ආසියානු සංවර්ධන බැංකුවෙන් මූල්‍ය ආධාර ලබා ගැනීම සඳහා වන ගිවිසුමට ශ්‍රී ලංකා රජය අත්සන් තබා තිබේ.
මුදල්, ක්‍රම සම්පාදන සහ ආර්ථික සංවර්ධන අමාත්‍යාංශයේ ලේකම් ආචාර්ය හර්ෂණ සූරියප්පෙරුම මහතා විසින් ද, ආසියානු සංවර්ධන බැංකුව වෙනුවෙන් එහි ශ්‍රී ලංකා නේවාසික අධ්‍යක්ෂ ශැනොන් කව්ලින් මහත්මිය ඊට අත්සන් තබා ඇත.
ආසියානු සංවර්ධන බැංකුවෙන් අමෙරිකානු එක්සත් ජනපද ඩොලර් මිලියන 35ක සහනදායි ණය මුදලක් සමඟ යුරෝපා සංගමයෙන් යුරෝ මිලියන 5.4ක ප්‍රදානයක් සහ ඒකාබද්ධ ණය යාන්ත්‍රණය සඳහා වන ජපාන අරමුදලින් අමෙරිකානු එක්සත් ජනපද ඩොලර් මිලියන 5.5ක ප්‍රදානයක් ලබා ගැනීම වෙනුවෙන් ශ්‍රී ලංකා රජය ආසියානු සංවර්ධන බැංකුව සමඟ සාකච්ඡා පවත්වන ලදී.
බලශක්ති අමාත්‍යාංශය විසින් සීමාසහිත ලංකා විදුලි බෙදා හැරීමේ (පුද්ගලික) සමාගම සහ ලංකා විදුලි පුද්ගලික සමාගම යන ආයතන සමඟ එක්ව, 2026 සිට 2030 දක්වා කාලය තුළ දැරිය හැකි පිරිසිදු බලශක්තිය සඳහා ප්‍රවේශය වැඩි කිරීමට රජය දරනු ලබන උත්සාහයන්ට සහාය වීම උදෙසා මෙම ව්‍යාපෘතිය ක්‍රියාත්මක කරනු ඇත.
මෙම ව්‍යාපෘතිය මඟින් මෙරට ප්‍රථම වරට අථත්‍ය ශුද්ධ මිනුම්කරණ ක්‍රමවේදය හඳුන්වා දෙනු ඇති බව මුදල්, ක්‍රම සම්පාදන සහ ආර්ථික සංවර්ධන අමාත්‍යාංශය නිවේදනය කළේය.
යුරෝපා සංගමයේ ප්‍රදානයකින් මූල්‍යම වශයෙන් සහාය ලබන මෙගාවොට් 25ක සමුච්චිත හල මත සුර්ය විදුලි ජනන පද්ධති, රටේ කුඩා හා මධ්‍ය පරිමාණ ව්යවසායකයින්ගේ විදුලි බිල්පත් බර අවම කිරීම සඳහා යොදා ගනු ඇත.
මෙම පද්ධති නවීනතම පාලන තාක්ෂණයෙන් සමන්විත වන අතර, පවතින ජාල සීමාකාරී තත්ත්වයන්ට අනුකූලව ඒවායේ ජනනය ජාතික පද්ධති ක්‍රියාකරුට කළමනාකරණය කිරීමට හැකියාව ලැබෙන බව සඳහන්ය.
