ඉදිරි කාලයේදී ගෙවීම් පද්ධති සහ මූල්ය ක්ෂේත්රය පරිවර්තනය කිරීම සඳහා කෘත්රිම බුද්ධිය (AI) ප්රබල මෙවලමක් වන බව 2026 වසරේ 'Sibos' සමුළුව අමතමින් ජාත්යන්තර මූල්ය අරමුදලේ පළමු නියෝජ්ය කළමනාකාර අධ්යක්ෂ ඩෑන් කැට්ස් (Dan Katz) මහතා පවසයි.
IMF කාර්ය මණ්ඩලය ඇස්තමේන්තු කරන ආකාරයට, ගෝලීයව දළ වශයෙන් වාර්ෂික ඩොලර් ක්වඩ්රිලියනයකට ආසන්න මුදලක් අන්තර්ජාතිකව ගනුදෙනු වේ.
මෙම තාක්ෂණය හරහා සිදුවන කුඩා කාර්යක්ෂමතා වර්ධනයන් පවා ආර්ථිකයට විශාල වාසියක් ගෙන දෙනු ඇතැයි ඔහු පෙන්වා දෙයි.
මෙම සමුළුවේදී කැට්ස් මහතා පෙන්වා දුන් ප්රධාන කරුණු 3ක් පහත දැක්වේ,
ගෙවීම් ක්රියාවලිය දියුණු කිරීම
කෘත්රිම බුද්ධි නියෝජිතයන් (AI Agents) හරහා ගෙවීම් ගාස්තු, විනිමය අනුපාත සහ සේවා අඛණ්ඩව අධීක්ෂණය කර වඩාත්ම කාර්යක්ෂම සපයන්නා වෙත ගනුදෙනු යොමු කළ හැකිය.
එමඟින් තරඟකාරීත්වය ඉහළ නංවා, සංකීර්ණ ගනුදෙනු ස්වයංක්රීය කර නියාමන හා අනුකූලතා (Compliance) වියදම් විශාල ලෙස අවම කරගත හැක.
මූල්ය පද්ධතියේ පරිණාමය
ස්වයංක්රීය AI නියෝජිතයන්ට ක්රියාත්මක වීම සඳහා ඩිජිටල්, අන්තර් ක්රියාකාරී (Interoperable) සහ ක්රමලේඛගත කළ හැකි (Programmable) මූල්ය පද්ධතියක් අවශ්ය වේ.
මෙහිදී ටෝකනීකරණය (Tokenization) සහ මහ බැංකු ඩිජිටල් මුදල් හරහා නව නවීකරණයන් වෙත යොමුවීමට සිදුවන බව ඔහු අවධාරණය කළේය.
සයිබර් අවදානම් සහ නියාමනය
AI තාක්ෂණයත් සමඟ සයිබර් අවදානම් ඉහළ යා හැකි බැවින්, රජයන් සහ කර්මාන්ත ක්ෂේත්රය ඒකාබද්ධව ශක්තිමත් පාලනයක් සහ ජාත්යන්තරව සම්බන්ධීකරණය වූ නියාමන ක්රමවේදයක් අනුගමනය කළ යුතු බව අරමුදල පෙන්වා දෙයි.
මෙම පරිවර්තනය නිසි ලෙස කළමනාකරණය කරගැනීම හරහා වඩාත් කාර්යක්ෂම සහ තරඟකාරී අනාගත මූල්ය පද්ධතියක් නිර්මාණය කරගත හැකි බව IMF ආයතනය වැඩිදුරටත් පෙන්වා දෙයි.
