නොර්' ඊස්ටර් (Nor'easter) කුණාටුව හේතුවෙන් අමෙරිකාවේ නිව්යෝර්ක් සහ නිව් ජර්සි ප්රාන්තවලට හදිසි තත්ත්වයක් ප්රකාශයට පත්කර තිබේ.
වෙරළබඩ ප්රදේශ ජලයෙන් යටවීම, විදුලිය බිඳවැටීම, ගමනාගමන කටයුතුවලට බාධා පැමිණීම, එළිමහන් භූමිවල පැවැත්වීමට නියමිතව තිබූ විවිධ උත්සව අවලංගු වීම් ආදී බලපෑම් රැසක් එල්ල කරමින් ප්රබල ‘නෝඊස්ටර්’ කුණාටුව මේ වනවිට ඇමෙරිකාවේ ඊසානදිග දෙසට ගමන් කරමින් පවතී.
මේ හේතුවෙන් මිලියන සංඛ්යාත ජනතාවක් දැඩි අර්බුදකාරී තත්ත්වයකට මුහුණ දී සිටිති.
අමෙරිකානු ජාතික කාලගුණ සේවයේ නවතම වාර්තාවට අනුව නිව්යෝර්ක් සහ බොස්ටන් ඇතුළු ප්රදේශ රැසකට දරුණු වෙරළබඩ ගංවතුර තත්ත්වයක්, තද සුළං සහ අධික වර්ෂාපතනයක් ඇති විය හැකිය.
ඒ හේතුවෙන් නිව්යෝර්ක් සහ නිව් ජර්සි ප්රාන්තවලට හදිසි තත්ත්වය ප්රකාශයට පත් කර ඇති අතර, වර්ජිනියා සිට මේන් දක්වා වූ ප්රදේශවලට තද වැසි සහ සුළං තත්ත්වයක් පුරෝකථනය කර ඇත.
අයහපත් කාලගුණය හේතුවෙන් බොස්ටන්හි පැවැත්වීමට නියමිතව තිබූ සුප්රකට ගායක එඩ් ෂීරන්ගේ සංගීත ප්රසංගය ද අවලංගු කිරීමට සිදුව තිබේ.
මෙම කුණාටුව හේතුවෙන් ගෘහස්ථ පාරිභෝගිකයින් 100,000කට වැඩි පිරිසකට විදුලි බලය අහිමි වී ඇත.
එමෙන්ම ගුවන්ගමන් 1,199ක් සම්පූර්ණයෙන්ම අවලංගු කර ඇති අතර, තවත් 2,400කට වැඩි ප්රමාණයක් ප්රමාද වී තිබේ.
