ඉන්දියාව සහ නවසීලන්තය අතර අත්සන් තබන ලද ඓතිහාසික නිදහස් වෙළඳ ගිවිසුම එළඹෙන ඔක්තෝබර් 20 වනදා සිට නිල වශයෙන් ක්රියාත්මක වන බව ඉන්දීය වෙළඳ අමාත්යවරයා පවසා ඇතැයි විදෙස් මාධ්ය වාර්තා කරයි.
ගෝලීය වෙළඳ ක්ෂේත්රයේ සිදුවන ආර්ථික බලපෑම් හමුවේ අපනයන ශක්තිමත් කිරීම සහ විදේශීය ආයෝජන දිනාගැනීම මෙම ගිවිසුමේ ප්රධාන අරමුණ බව පැවසෙයි.
නවසීලන්ත වෙළඳ අමාත්යවරයා සහ එරට ඉන්දීය මහකොමසාරිස් අතර අදාළ නිල ලේඛන හුවමාරු කරගනිමින් ගිවිසුම සම්මත කර ඇත.
මෙම පියවරත් සමඟ නවසීලන්තයෙන් ඉන්දියාවට යවන අපනයන අයිතමවලින් 95% කට ආසන්න ප්රමාණයක තීරුබදු සම්පූර්ණයෙන්ම ඉවත් වීම හෝ සැලකිය යුතු ලෙස අඩුවීම සිදුවෙයි.
ලොව වේගයෙන්ම වර්ධනය වන ඉන්දීය වෙළඳපොළට අවතීර්ණ වීමට තම ව්යාපාරිකයන්ට දොරටු විවෘත වන බවද නවසීලන්ත අමාත්යවරයා පෙන්වාදී තිබේ.
රුසියාවෙන් තෙල් මිලදී ගන්නා ඉන්දියාව වැනි රටවලට 100% දක්වා දැඩි තීරුබදු පැනවීමට අමෙරිකානු ජනාධිපති ඩොනල්ඩ් ට්රම්ප් පියවර ගෙන ඇති පසුබිමක මෙම වෙළඳ ගිවිසුම ක්රියාත්මක වීම විශේෂත්වයකි.
ඒ අනුව අමෙරිකාව මත පමණක් රඳා නොසිට බ්රිතාන්යය සහ යුරෝපා සංගමය ඇතුළු ප්රධාන ආර්ථිකයන් සමඟ සබඳතා තර කරගැනීමට ඉන්දියාව පියවර ගනිමින් සිටී.
