කියුබාවේ සිදුවූ හදිසි විදුලි බිඳ වැටීමක් හේතුවෙන් එරට මිලියන ගණනක ජනතාවක් පීඩාවට ලක්ව ඇතැයි විදෙස් මාධ්ය වාර්තා කර තිබේ.
ඊයේ (18) දින විදුලි බල පද්ධතියේ ඇති වූ හදිසි තත්ත්වයක් මත මෙලෙස විදුලිය විසන්දි වී ඇති අතර මේ හේතුවෙන් රට පුරා විදුලි බිඳ වැටීමක් සිදුවිය.
කෙසේ වෙතත් එරට හවානා නුවර රෝහල් සහ ජල පොම්පාගාර අසල ප්රදේශ ඇතුළු ප්රමුඛතා ප්රදේශ කිහිපයකට සවස් කාලය වන විට නැවත විදුලිය යථා තත්ත්වයට පත් කිරීමට ද කටයුතු කර තිබේ.
විදෙස් මාධ්ය වාර්තා කරනුයේ මෙම වසර තුළ කියුබාවට බලපෑ හයවන අර්ධ හෝ සම්පූර්ණ විදුලි ඇණහිටීම මෙය බවය.
කොමියුනිස්ට් පාලනය යටතේ පවතින කියුබාවට තෙල් සැපයීම සඳහා එක්සත් ජනපදය විසින් යොදා ඇති අවහිරතා හේතුවෙන් විදුලිය ඇතුළු යටිතල පහසුකම් සහ ඉන්ධන හිඟයෙන් බලපෑම් එල්ල වී ඇතැයිද සඳහන් වේ.
කෙසේ වෙතත් ඊයේ දිනයේදී මෙලෙස විදුලි ඇණහිටීමට බලපා ඇත්තේ අයහපත් කාලගුණික තත්ත්වයක් හේතුවෙන් සම්ප්රේෂණ දෝෂයක් බවද විදෙස් මාධ්ය වාර්තා කර තිබේ.
මේ වන විට ඇණහිට ඇති විදුලිය නැවත යථා තත්ත්වයට පත් කිරීම සඳහා අවශ්ය ක්රියාමාර්ග ගෙන ඇතැයිද විදෙස් මාධ්ය වාර්තා කර ඇත.
විදෙස් මාධ්ය වාර්තා කර ඇත්තේ කියුබාව ඉන්ධන ආනයනය මත දැඩි ලෙස රඳා පවතින රටක් වන බවත් වසර ආරම්භයේ සිට එක්සත් ජනපදයේ දැඩි සම්බාධක හේතුවෙන් ඉන්ධන හිඟයකට මුහුණ දී ඇති බවය.
එමෙන්ම ආහාර හා ඖෂධ හිඟ වී ඇති බවත් රෝහල් සාමාන්ය පරිදි ක්රියාත්මක වීමට දැඩි වෙහෙසක් ගනු ලබන බවත් පාසල් සහ රජයේ කාර්යාල වසා දැමීමට සිදුව ඇති බවත් විදෙස් මාධ්ය වාර්තා හී සඳහන්ව තිබේ.
