ඉරානයට යළි සම්බාධක පැනවීම සම්බන්ධයෙන් ආරක්ෂක මණ්ඩලයේ යෝජනාවට චීනය විරෝධය පළ කර ඇත.
එක්සත් ජාතීන්ගේ චීන නිත්ය නියෝජිත Fu Cong මහතා ඊයේ (17) මේ බව කියාසිටියේ එක්සත් ජාතීන්ගේ ආරක්ෂක මණ්ඩලයේදී ඉරාන සම්බාධක කමිටුවේ විශේෂඥ මණ්ඩලයේ කාර්යභාරය දීර්ඝ කිරීමේ කෙටුම්පත් යෝජනාවට ඡන්ද විමසීම පැවැත්වීමෙන් පසුවය.
යුක්තිය හා සාධාරණය සුරක්ෂිත කිරීම හා මැදපෙරදිග සාමය හා ස්ථාවරත්වය සහතික කිරීම මත පදනම්ව, ඉරාන න්යෂ්ටික ප්රශ්නය දේශපාලනිකව විසඳා ගැනීම වෙනුවෙන්, අදාළ යෝජනාවට විරුද්ධව චීනය ඡන්දය ප්රකාශ කර ඇති බව ද හෙතෙම සඳහන් කළේය.
එමෙන්ම සිරියාවේ දේශපාලන හා මානුෂවාදී තත්ත්වය සම්බන්ධයෙන් සාකච්ඡාවක් ද ඊයේ ආරක්ෂක මණ්ඩලයේදී පැවැත්විණ.
මේ සම්බන්ධයෙන් Fu Cong මහතා පැවසුවේ යුද ගැටුම්කාරී තත්ත්වය සිරියානු ජනතාවගේ ඉරණමක් නොවන බවයි.
ඔවුන්ට සාමය හා සුරක්ෂිත පරිසරයක නව ජීවිත ආරම්භ කිරීමේ අයිතිය හිමි බව හෙතෙම අවධාරණය කළේය.
සිරියාව වෙත ලබා දෙන මානුෂීය සහනාධාර අඩු නොකර හදිසි මානුෂීය අවශ්යතාවන්ට ප්රතිචාර දක්වන ලෙස චීනය ජගත් ප්රජාවෙන් ඉල්ලා සිටින බව ද එක්සත් ජාතීන්ගේ චීන නිත්ය නියෝජිත Fu Cong මහතා පැවසීය.
