කොසෝවෝ යුද අපරාධ පිළිබඳ විශේෂ අධිකරණය මගින් එරට හිටපු ජනාධිපති හෂීම් තාචි, යුද අපරාධ සම්බන්ධයෙන් වරදකරු කරමින් වසර 25ක සිරදඬුවමක් නියම කර තිබේ.
58 හැවිරිදි වියේ පසුවන ඔහුට මෙලෙස දඬුවම් හිමිව ඇත්තේ 1990 දශකයේ සර්බියාවෙන් වෙන්වීම සඳහා පැවැති සන්නද්ධ අරගලයේදී සිදුකරන ලදැයි කියන යුද අපරාධ සම්බන්ධයෙනි.
එකල කොසෝවෝ විමුක්ති හමුදාවේ ඉහළ පෙළේ අණදෙන නිලධාරියෙකු ලෙස කටයුතු කළ තාචි, තම බල ප්රදේශය තුළ පුද්ගලයන් නීති විරෝධී ලෙස අත්අඩංගුවේ තබා ගැනීම, වධහිංසා පැමිණවීම සහ මනුෂ්යත්වයට එරෙහි අපරාධ සිදු කිරීම යන චෝදනා යටතේ වරදකරු වී ඇත.
විශේෂයෙන්ම එකල දේශපාලන ප්රතිවාදීන් සහ සර්බියානු ආරක්ෂක අංශවලට සහාය දැක්වූයේ යැයි සැකකෙරෙන පුද්ගලයන් 96 දෙනෙකු ඝාතනය කිරීමට අදාළව ඔහු වගකිව යුතු බව අධිකරණය විසින් තීන්දු කර තිබේ.
කෙසේ වෙතත් නඩු විභාගය පුරාම තමන්ට එල්ල වූ සියලුම චෝදනා හිටපු ජනාධිපතිවරයා ප්රතික්ෂේප කර ඇති බව සඳහන්ය.
