ආසියා පැසිෆික් මාධ්ය සංසදය චීනයේ දකුණු ගුවැන්ඩොං පළාතේ ෂෙන්ෂෙන් නගරයේදී ආරම්භ විය.
ඊයේ (05) ආරම්භ වූ මෙම සංසදය 2026 APE 'චීන වසර' යටතේ චීනයේ පැවැත්වෙන වැඩසටහන් මාලාවේ කොටසක් ලෙස සංවිධාන කර තිබේ.
ඒ සඳහා රටවල් සහ කලාප 40කට අධික සංඛ්යාවක් නියෝජනය කරමින් නියෝජිතයින් 400කට වැඩි පිරිසක් එක්ව සිටිති.
එක්සත් ජාතීන්ගේ සංවිධානය ඇතුළු ජාත්යන්තර සංවිධාන නියෝජිතයින්ද ඊට සහභාගී වී ඇත.
මේ අතර, සංසදයට සමගාමීව චීනයේ සහ විදේශයන්හි මාධ්ය ආයතන 16ක් එක්ව ආසියා පැසිෆික් මාධ්ය හවුල්කාරිත්ව වැඩසටහන සඳහා සූදානම් කිරීමේ කමිටුවක් පිහිටුවා තිබේ.
සංසදයට පෙර සහභාගී වූ නියෝජිතයින් ගුවැන්ෂෝ, ෆොෂාන්, ඩොන්ගුවාන්, ෂෙන්ෂෙන්, ෂුහායි සහ ෂොන්ග්ෂාන් ඇතුළු ගුවැන්ඩොං පළාතේ නගර කිහිපයක සංචාරයකද නිරත වූහ.
2026 APEC 'චීන වසර' තුළ චීනයේ නගර රැසක වැඩසටහන් 300කට ආසන්න සංඛ්යාවක් පැවැත්වීමට නියමිතය.
එහි ප්රධාන වැඩසටහනක් වන 33වන APEC ආර්ථික නායකයින්ගේ සමුළුව නොවැම්බර් මාසයේදී ෂෙන්ෂෙන් නගරයේදී පැවැත්වීමට නියමිතය.
APEC ආර්ථික නායකයින්ගේ සමුළුව චීනයේ පැවැත්වෙන්නේ මෙවර තුන්වන වරටය. මීට පෙර 2001 වසරේ ෂැංහයි නුවරදීත්, 2014 වසරේ බීජිං නුවරදීත් එම සමුළුව චීනයේදී පැවැත්විණි.
