යුරෝපා සංගමයට අයත් රටවල නීත්යානුකූල පදිංචි බලපත්ර නොමැතිව රැඳි සිටින සංක්රමණිකයන්ව එම සංගමයට අයත් නොවන රටවල් වෙත පිටුවහල් කිරිම සඳහාවන සාකච්ඡාවක් ජර්මනිය, ඔස්ට්රියාව, ග්රීසිය, ඩෙන්මාර්කය සහ නෙදර්ලන්ත නියෝජිතයන් අතර පවත්වා තිබේ.
'Group of Five' ලෙසින් එක්ව අදාළ රටවල් මෙම සාකච්ඡාව ඩෙන්මාර්කයේ කෝපන්හේගන්හිදී පවත්වා ඇත.
නීත්යානුකූල පදිංචි බලපත්ර නොමැති සංක්රමණිකයන්ව පිටුවහල් කිරීම සඳහා, එම සංගමයට අයත් නොවන රටවල් සමග මෙම වසරේදීම ගිවිසුමකට එළැඹීමටද මෙහිදී තීරණය කර තිබේ.
සංක්රමණය අවම කිරීම සඳහා යුරෝපීය රටවල් දරන නවතම උත්සාහය ලෙස, සංක්රමණිකයන් ආපසු යැවීමේ මධ්යස්ථාන සම්බන්ධයෙන් යුරෝපා සංගමයට අයත් නොවන රටක් සමග ගිවිසුමකට එළඹීමට අදාළ මූලික පියවරයන්ද මෙහිදී අධ්යනය කර ඇත.
කෙසේ වෙතත් මෙම සාකච්ඡාවේදී සංක්රමණිකයන් ආපසු හරවා යැවීමේ මධ්යස්ථාන සඳහා සත්කාරකත්වය දක්වනු ඇතැයි අපේක්ෂා කරන රටවල නම් හෙළි නොකළේය.
මෙහිදී මාධ්ය වෙත අදහස් දක්වමින් ජර්මානු අභ්යන්තර කටයුතු අමාත්ය ඇලෙක්සැන්ඩර් ඩොබ්රින්ට් පවසා ඇත්තේ, මෙම වසර ඇතුළත අදාළ තෙවැනි පාර්ශ්වීය රටවල් සමග අදාළ එකඟතාවට පැමිණීමට බලාපොරොත්තු වන බවය.
පිටුවහල් කිරීමේ ක්රියාවලිය වේගවත් කිරීම සහ විදේශයන්හි මෙවැනි මධ්යස්ථාන පිහිටුවීමට අවසර දීම ඇතුළත් සංක්රමණික ප්රතිපත්තිය සංශෝධනය කිරීම සඳහා යුරෝපීය පාර්ලිමේන්තුවේද අනුමැතිය මේ වනවිට හිමි ඇත.
කෙසේ වෙතත් මෙම පියවර හරහා සරණාගතභාවය පතන්නන්ගේ ආරක්ෂාව සහ අයිතිවාසිකම් පළුදු විය හැකි බවට විවේචකයෝ පෙන්වා දෙති.
මෙම නියෝජිත පිරිසගේ මීළඟ හමුව මෙම මස අගදී ජර්මනියේ මියුනිච්හිදී පැවැත්වීමට නියමිතය.
