නේපාලයට බලපෑ හදිසි ජල ගැලීමෙන් විපතට පත්වූවන්ගේ සිරුරු හඳුනාගැනීමේ කටයුතු වේගවත් කිරීම සඳහා 19 දෙනෙකුගෙන් යුත් ඉන්දියානු DNA පරීක්ෂණ කණ්ඩායමක් නේපාල විශේෂඥයන් හා එක්ව පරීක්ෂණ ආරම්භ කර ඇති බව නේපාලයේ ඉන්දියානු තානාපති කාර්යාලය පවසයි.
ඒ අනුව මෙම ඉන්දියානු කණ්ඩායම මේ වනවිට DNA සාම්පල විශ්ලේෂණය කිරීමේ කටයුතු ආරම්භ කර ඇති බවද ඉන්දීය මාධ්ය සඳහන් කරයි.
ගංවතුරෙන් පීඩාවට පත් ප්රදේශවලින් ලබාගන්නා DNA සාම්පල කඩිනමින් පරීක්ෂා කර, මියගිය සහ අතුරුදන් වූ පුද්ගලයන් හඳුනා ගැනීමේ ක්රියාවලිය වේගවත් කිරීම සඳහා මෙම කණ්ඩායම නේපාල නිලධාරීන් හා එක්ව කටයුතු කරනු ඇත.
විශාල පිරිසකට ජීවිත අහිමි කරමින් සහ තවත් පිරිසක් අතුරුදහන් කරමින් ඇතිවූ මෙම දරුණු ගංවතුර ව්යසනයෙන් පසු, නේපාලයට සහාය වීම සඳහා ක්රියාත්මක වන අඛණ්ඩ වැඩපිළිවෙලෙහි කොටසක් ලෙස මෙම ඉන්දියානු විශේෂඥ කණ්ඩායම අනුයුක්ත කර ඇතැයි ඉන්දියාව පවසයි.
මියගිය සංඛ්යාව දිනෙන් දින ඉහළ යන අතරම, හිමිකරුවන් නොමැති මෘතශරීර රැසක් පවතින බැවින් ඉදිරියේදී හඳුනා ගැනීමේ පහසුව උදෙසා DNA සාම්පල ලබාගැනීමට බලධාරීන් පියවර ගෙන ඇත.
