මැදපෙරදිග යුද මෙහෙයුම් සඳහා යොදවා තිබූ අමෙරිකානු නාවික හමුදාවට අයත් USS Abraham Lincoln ගුවන් යානා ප්රවාහන නෞකාව මාස 9කට පසු සිය පළමු වරාය සංචාරය සඳහා තායිලන්තයට පැමිණ තිබේ.
නාවිකයින් සහ මැරීන් භටයින් 5,000කට ආසන්න පිරිසක් රැගත් නෞකාව ඊයේ උදෑසන තායිලන්තයේ Laem Chabang වරායට පැමිණි අතර, එහි සිට ඔවුන්ට Pattaya නගරය වෙත විවේකය සඳහා යාමට අවස්ථාව හිමිව තිබේ.
මෙම නෞකාව දින 286ක් මුහුදේ රැඳී සිටීමෙන් අනතුරුව තායිලන්තයට පැමිණ ඇති අතර, එය නෞකාවේ “ඓතිහාසික මෙහෙයුම” අතරතුර සිදුකළ පළමු වරාය සංචාරය බව අමෙරිකානු නාවික හමුදාව සඳහන් කරයි.
USS Abraham Lincoln නෞකාව 2025 නොවැම්බර් මාසයේදී කැලිෆෝනියාවේ සිට දකුණු චීන මුහුදේ මෙහෙයුම් සඳහා පිටත්ව ගොස් තිබූ අතර, පසුව මැදපෙරදිග යුද මෙහෙයුම් සඳහා යොමු කර තිබුණි.
මේ අතර, නෞකාව තුළ ආහාර හිඟය, ජලනල පද්ධතිවල දෝෂ සහ මානසික සෞඛ්ය ගැටලු ඇතුළු අයහපත් තත්ත්වයන් පිළිබඳ වාර්තා පසුගිය කාලයේදී දැඩි අවධානයට ලක්ව තිබේ. ඇතැම් වාර්තාවල සියදිවි නසාගැනීමට උත්සාහ කළ සිදුවීම් පිළිබඳවද සඳහන් විය.
එම චෝදනා සම්බන්ධයෙන් අමෙරිකානු කොංග්රසයේ ඩිමොක්රටික් මන්ත්රීවරුන් පරීක්ෂණයක් ඉල්ලා ඇති අතර, අමෙරිකානු ජනාධිපති ඩොනල්ඩ් ට්රම්ප් එම චෝදනා ප්රතික්ෂේප කර තිබේ.
මේ අතර, Pattaya නගරයේ බලධාරීන් පවසා ඇත්තේ අමෙරිකානු නාවිකයින්ගේ ආරක්ෂාව සහ සාධාරණ මිල ගණන් සහතික කිරීම සඳහා විශේෂ වැඩපිළිවෙළක් ක්රියාත්මක කර ඇති බවයි.
නෞකාව ඉරිදා තායිලන්තයෙන් පිටත්ව යාමට නියමිතය.
