උණුසුම් පුවත්
ජූලි මාසයේදී වාහන ආනයන වියදම ඩොලර් මිලියන 241ක්
5h ago
2026 ජූලි මාසයේදී ශ්රී ලංකාවේ වාහන ආනයනය සඳහා වැය වූ මුදල අමෙරිකානු ඩොලර් මිලියන 241ක් බව ශ්රී ලංකා මහ බැංකුව පවසයි.
පුද්ගලික සහ වාණිජ කටයුතු සඳහා යොදා ගන්නා වාහන ඇතුළත් මෙම ආනයන වියදම, 2026 ජූනි මාසයේ වාර්තා වූ ඩොලර් මිලියන 182 හා සැසඳීමේදී මාසයක් තුළ සියයට 32කින් පමණ ඉහළ ගොස් තිබේ.
මහ බැංකුවේ 2026 ජූලි මාසයට අදාළ විදේශීය අංශයේ ක්රියාකාරිත්වය පිළිබඳ වාර්තාවට අනුව, 2026 ජනවාරි සිට ජූලි දක්වා කාලය තුළ වාහන ආනයනය සඳහා වූ සමුච්චිත වියදම අමෙරිකානු ඩොලර් මිලියන 1,495ක් ලෙස වාර්තා වී ඇත.
එමෙන්ම, 2026 ජූලි මාසයේදී සමස්ත වෙළඳ භාණ්ඩ ආනයන වියදම ඩොලර් මිලියන 2,251ක් වූ අතර, එය 2025 ජූලි මාසයට සාපේක්ෂව සියයට 19.6ක වැඩිවීමක් බවද මහ බැංකු දත්ත පෙන්වා දෙයි.
2025 වසර පුරා වාහන ආනයනය සඳහා වැය වූ සමස්ත මුදල ඩොලර් බිලියන 2.04ක් වූ බව දත්ත අනුව දැක්වේ.
