යුරෝපා සංගම් සාමාජිකත්වය සඳහා වන සාකච්ඡා වසර 13කට පසු නැවත ආරම්භ කිරීමේ රජයේ යෝජනාව අයිස්ලන්ත ජනමත විචාරණයකින් ප්රතික්ෂේප කර තිබේ.
ඡන්දදායකයින්ගෙන් 52.8%ක් මෙම යෝජනාවට එරෙහිව ඡන්දය ප්රකාශ කර ඇති අතර, 47.2%ක් ඊට පක්ෂව ඡන්දය දී ඇත.
අග්රාමාත්ය ක්රිස්ට්රන් ෆ්රොස්ටඩෝටිර්ගේ මධ්ය-වාම රජය 2027 වන විට ජනමත විචාරණයක් පැවැත්වීමට පොරොන්දු වී තිබුණද, අමෙරිකානු ජනාධිපති ඩොනල්ඩ් ට්රම්ප් විසින් ග්රීන්ලන්තය සම්බන්ධයෙන් කර ඇති තර්ජන ඇතුළු ජාත්යන්තර ආතතීන් හේතුවෙන් එය ඊට පෙර පවත්වන ලදී.
ආරක්ෂක ගැටලු මෙන්ම, අයිස්ලන්තයේ අපනයනවලින් 40%ක් නියෝජනය කරන මත්ස්ය සහ සමුද්රීය කර්මාන්තය ආරක්ෂා කර ගැනීම පිළිබඳව ඡන්දදායකයන් අතර දැඩි කතාබහක් ඇතිව ඇත.
යුරෝපා සංගමයේ පොදු ධාන්ය හා මත්ස්ය කර්මාන්ත ප්රතිපත්තිය යටතේ තම ලාභදායී ධීවර කලාපවල පාලනය අහිමි වනු ඇතැයි බොහෝ ඡන්දදායකයෝ බියට පත් ව ඇති බව සඳහන් වේ.
270,000ක පමණ ජනගහනයක් සහිත මෙම දූපත් රාජ්යයේ ඡන්දය ප්රකාශ කිරීමේ ප්රතිශතය 82.5%ක් වූ අතර, එය 2009 වසරෙන් පසු අයිස්ලන්තයේ මැතිවරණයක වාර්තා වූ ඉහළම ප්රතිශතය සඳහන් වේ.
අයිස්ලන්තය දැනටමත් යුරෝපා සංගමයේ තනි වෙළඳපොළට සහ ෂෙන්ගන් දේශසීමා රහිත කලාපයට අයත් වන නමුත්, පූර්ණ සාමාජිකත්වය හරහා එය රේගු සංගමයට සහ අවසානයේ යුරෝ මුදල් භාවිතයට සම්බන්ධ වනු ඇත.
මෙම ජනමත විචාරණයේ ප්රතිඵලයත් සමඟ එරට අග්රාමාත්යවරයා ප්රකාශ කර ඇත්තේ කුමන ප්රතිඵලය ලැබුණද තම රජය ඉදිරි කටයුතු අඛණ්ඩව කරගෙන යන බවය.
