අමෙරිකානු ජනාධිපති ඩොනල්ඩ් ට්රම්ප්ගේ මුහුණේ හැඩයට සමාන එක්ස්ටසි (Ecstasy)නමැති මත්පෙති විශේෂයක් සම්බන්ධයෙන් නෙදර්ලන්ත සෞඛ්ය අංශය අනතුරු ඇඟවීමක් සිදු කර තිබේ.
එරට මනෝ සෞඛ්ය සහ මත්ද්රව්ය විරෝධී ආයතනයක් විසින් නිකුත් කළ 'රතු නිවේදනයක්' උපුටා දක්වමින් විදෙස් මාධ්ය වාර්තා සඳහන් කළේ, එය මෙම පෙති භාවිතයෙන් ශරීර උෂ්ණත්වය අධික ලෙස ඉහළ ගොස් මරණය පවා සිදුවිය හැකි බවය.
මෙම පෙති .තුළ ඉතා ඉහළ මට්ටමකින් PMMA නමැති හානිකර රසායනික ද්රව්යය අඩංගු බව මේ සම්බන්ධයෙන් සිදු කළ පරීක්ෂණයකින් අනාවරණවී ඇත.
එහි එක් පසෙක ඩොනල්ඩ් ට්රම්ප්ගේ මුහුණේ රූපය ද අනෙක් පස Trump සහ NL ලෙස ද සටහන් කර තිබේ.
මෙම පෙතිවල බලපෑම ශරීරියට දැනීමට වැඩි වේලාවක් ගත වන බැවින් භාවිත කරන්නන් වැඩි මාත්රාවක් ශරීරගත කරගැනීමේ අවදානමක් පවතින බව සඳහන්ය.
ඒවා භාවිත කිරීමෙන් පැය කිහිපයකට පසු වමනය, හෘද ස්පන්දනය වේගවත් වීම සහ වලිප්පුව වැනි ලක්ෂණ මතු විය හැකිය.
කෙසේවෙතත්, මේ දක්වා මෙම පෙති භාවිතය නිසා කිසිදු මරණයක් හෝ බරපතළ රෝගී තත්ත්වයක් වාර්තා වී නොමැති බව විදෙස් මාධ්ය වාර්තාවල වැඩිදුරටත් දැක්වේ.
