නෝර්වේ රජු වන පස්වන හැරල්ඩ් අභාවප්රාප්ත වී තිබේ.
ඔහු මියයන විට 89 වන වියේ පසුවූ අතර, ඔස්ලෝහි ජාතික රෝහලේදී අද උදෑසන 6.35ට පමණ අභාවප්රාප්ත වූ බව නෝර්වේ රාජකීය මාලිගය නිවේදනය කළ බව එරට මාධ්ය උපුටා දක්වමින් විදෙස් මාධ්ය වාර්තා කර තිබේ.
යුරෝපයේ වයස්ගතම රාජ්ය නායකයා වූ පස්වන හැරල්ඩ්, දශක තුනකට වැඩි කාලයක් නෝර්වේ රාජ්යයේ රජු ලෙස කටයුතු කර ඇත.
දෙවන ලෝක යුද සමයේ නාසි ජර්මනිය නෝර්වේ ආක්රමණය කිරීමත් සමග, කුඩා වියේදී සිය මව සහ සහෝදරියන් සමග රටින් පලා ගිය ඔහු මුලින් ස්වීඩනයටත් පසුව අමෙරිකා එක්සත් ජනපදයටත් ගොස් තිබේ.
1945දී යළි නෝර්වේ වෙත පැමිණි හැරල්ඩ්, පසුව අධ්යාපනය ලැබුවේ නෝර්වේ රාජ්ය පාසල්, හමුදා විද්යාලය සහ ඔක්ස්ෆර්ඩ් විශ්වවිද්යාලයෙනි.
පාසල් සමයේ තම පෙම්වතිය වූ සොන්ජා හැරල්ඩ්සන් සමඟ විවාහ වීම සඳහා යුරෝපීය රාජකීය පවුල්වල කුමාරිකාවන් සමඟ විවාහ වීමේ යෝජනා වසර ගණනාවක් ප්රතික්ෂේප කළ ඔහු, අවසානයේ සිය පියාගේ අවසරය ලබාගෙන 1968දී සොන්ජා සමඟ විවාහ වුණි.
1991 ජනවාරි 21 වැනිදා සිය පියා වූ පස්වන ඔලාෆ් රජුගේ අභාවයෙන් පසු සිංහාසනයට පත් වූ හැරල්ඩ්, නෝර්වේ රාජාණ්ඩුව නවීකරණය කිරීමට කටයුතු කළා.
2011 වසරේ නෝර්වේහි පුද්ගලයන් 77 දෙනෙකුට මරු කැඳවූ දක්ෂිණාංශික අන්තවාදී ප්රහාරයෙන් පසු ඔහු සිදුකළ සංවේදී ප්රකාශය මෙන්ම, 2016 වසරේදී LGBTQ+ අයිතිවාසිකම්, සරණාගතයන් සහ ආගමික සහජීවනය වෙනුවෙන් සිදුකළ ප්රකාශයද ජාත්යන්තර අවධානයට ලක්වුණි.
නෝර්වේ අග්රාමාත්යවරයා පවසන්නේ රජුගේ අභාවය හේතුවෙන් මුළු රටම ශෝකයට පත්ව ඇති බවය.
පස්වන හැරල්ඩ් රජුගෙන් පසු ඔහුගේ පුත් ඔටුන්න හිමි කුමරු Haakon, නෝර්වේහි නව රජු ලෙස සිංහාසනයට පත්වීමට නියමිතය.
