උණුසුම් පුවත්
22ට විරුද්ධ හේතුව ගැන නීතිඥ සංගමයෙන් පැහැදිලි කිරීමක්
53m ago
“ආණ්ඩුක්රම ව්යවස්ථාවේ විසිදෙවන සංශෝධනය” ලෙස නම් කර ඇති පනත් කෙටුම්පත මගින් අධිකරණයේ ස්වාධීනත්වය සහ ජනතාවගේ අයිතිවාසිකම් හා යහපත සම්බන්ධයෙන් බරපතළ ගැටලු මතුවන බැවින්, ශ්රී ලංකා නීතිඥ සංගමය ඊට ප්රතිපත්තිමය පදනමක් මත විරුද්ධ ස්ථාවරයක් ගෙන ඇති බව ප්රකාශ කරයි.
එම සංශෝධනයේ ව්යවස්ථානුකූලභාවය ශ්රී ලංකා නීතිඥ සංගමය විසින් ශ්රේෂ්ඨාධිකරණය හමුවේ අභියෝගයට ලක් කර ඇති බවද එම සංගමය පවසයි.
පනත් කෙටුම්පත නීතියක් බවට පත්වුවහොත්, එම සංශෝධනයෙන් ප්රතිලාභ ලබන පළමු ශ්රේෂ්ඨාධිකරණ විනිසුරුවරයා වන්නේ වත්මන් අගවිනිසුරුවරයා බව නීතිඥ සංගමය පෙන්වා දෙයි.
වත්මන් අගවිනිසුරුවරයාගේ ධුර කාලය 2026 දෙසැම්බර් 1 වැනිදා අවසන් වීමට නියමිත බැවින්, එම ධුර කාලය දීර්ඝ කිරීම සඳහා මෙම සංශෝධනය කඩිනමින් ඉදිරියට ගෙන යන බවට පුළුල් මතයක් පවතින බවද එහි සඳහන් වේ.
