මෙරට ජනතාව එකපිට අවස්ථා දෙකකදී රැවටුණු බවත්, 2019 වසරේදී රැවටී රට බංකොලොත් වූ බවත්, 2024 වසරේදී රැවටීමෙන් මුළු ජන සමාජයම සහමුළින්ම අකර්මන්ය වී ඇති බවත් විපක්ෂ නායක සජිත් ප්රේමදාස මහතා පැවසීය.
එමෙන්ම ගොවියා, ධීවරයා, කම්කරුවා, ව්යවසායකයා, දරුවන් සහ කාන්තාවන් ඇතුළු ලක්ෂ 220ක සමස්ත ජනතාවම මේ වන විට දැඩි පීඩනයෙන් පසුවන බව ද පවසයි.
විපක්ෂ නායක සජිත් ප්රේමදාස මහතා මේ බව කියා සිටියේ අනුරාධපුර දිස්ත්රික්කයේ මැදවච්චිය ආසනයේ රඹෑව ප්රදේශයේ පැවැති සමගි ජන බලවේගයේ සාමාජික ප්රවර්ධන ජන හමුවක් අමතමිනි.
ජන සංඛ්යා ලේඛන දෙපාර්තමේන්තුවට අනුව දින තිහක් එක් පුද්ගලයකුට ජීවත්වීමට රු. 17,315ක් ප්රමාණවත් බවත් මේ සංගණනය දිස්ත්රික් මට්ටමින්ද සිදුකර ඇති බවත් වත්මන් රජයේ ප්රතිපත්තිය පදනම් වී ඇත්තේ බොරු දත්ත මත පදනම්ව බවත් විපක්ෂ නායකවරයා පැවසීය.
මේ රජය බොරුව අසත්ය ඇන්දවීම තුළ පදනම් වී ඇති බවත් එදා මැතිවරණ සමයේ කුඹුරට බැස ගොයම් කමින් වී කිලෝවට රු. 150ක් දෙන බව පැවසූවත් අදවන විට රු. 120ක් බවත් ඔහු පැවසීය.
විදුලි බිල 33%කින් අඩුකර වරායේ ගොඩබාන මිලට තෙල්දීම මෙන්ම ලක්ෂ 12කට විට්ස් කාර් එකක් දෙන බව පැවසූ සියල්ල නොමැති බවත් විපක්ෂ නායකවරයා තවදුරටත් පැවසීය.
