පෘථිවියෙන් රැගෙන යන ඇතැම් ක්ෂුද්ර ජීවීන්ට සඳ මත පවතින දැඩි ශීතල සහ විකිරණ හමුවේ වුවද මාස ගණනාවක් නොමැරී පැවතිය හැකි බව නාසා සිදු කළ නවතම අධ්යයනයකින් හෙළි වී තිබේ.
නාසාහි ගොඩාර්ඩ් අභ්යවකාශ පියාසර මධ්යස්ථානයේ පර්යේෂකයින් විසින් සිදු කරන ලද මෙම අධ්යයනය Science Advances සඟරාවේ පළ කර ඇති අතර, එහිදී චන්ද්රයාගේ දක්ෂිණ ධ්රැවය ආශ්රිත ප්රදේශ කෙරෙහි වැඩි අවධානයක් යොමු කර ඇත.
සූර්යාලෝකය සෘජුව නොවැටෙන චන්ද්රයාගේ සෙවන සහිත ගැඹුරු ආවාට තුළ පවතින පරිසරය මෙම ක්ෂුද්ර ජීවීන්ට අහිතකර විකිරණවලින් ආරක්ෂා වී සිය පැවැත්ම තහවුරු කර ගැනීමට උපකාරී වන බව විද්යාඥයෝ පවසති.
මෙම පර්යේෂණය සඳහා මිනිස් සිරුරේ සහ අභ්යවකාශ යානාවල බහුලව දැකිය හැකි බැක්ටීරියා සහ දිලීර වර්ග කිහිපයක් යොදා ගෙන ඇත.
ඒ අතුරින් Aspergillus niger නම් කළු අච්චු දිලීරය, සඳ මත පැවැත්ම පවත්වා ගැනීමට වැඩිම හැකියාවක් දක්වන ක්ෂුද්ර ජීවී විශේෂය ලෙස ද සොයාගෙන ඇත.
කෙසේවෙතත් විද්යාඥයින් කනස්සල්ල පළ කරන්නේ නාසාහි 'Artemis' මෙහෙයුම හරහා නැවතත් මිනිසුන් සඳ වෙත යැවීමට සූදානම් වන පසුබිමක, මෙලෙස අහම්බෙන් තැන්පත් වන ක්ෂුද්ර ජීවීන් නිසා චන්ද්රයාගේ පස සහ අයිස් පිළිබඳ විද්යාත්මක පරීක්ෂණවලට බාධා සිදුවිය හැකි බවය.
