උණුසුම් පුවත්
නියඟයෙන් බැටකන ප්රදේශවලට ජල පහසුකම් සපයන්න නව චක්රලේඛයක්
38m ago
එල්නිනෝ තත්ත්වය හමුවේ ඉදිරියේදී නියඟයක් ඇති වුවහොත් ජල සම්පාදනය වෙනුවෙන් නව චක්ර ලේඛයක් ඉදිරිපත් කර ඇති බව පරිසර අමාත්ය වෛද්ය ධම්මික පටබැඳි මහතා පවසයි.
මෙම චක්රලේඛය අගෝස්තු 6වන දින ආරක්ෂක අමාත්යාංශය මඟින් ඉදිරිපත් කර ඇති බව ද ඒ මහතා සඳහන් කළේය.
එල්නිනෝ තත්ත්වයෙන් ශ්රී ලංකාවට ඇතිවිය හැකි බලපෑම් පිළිබඳව දැනුවත්කිරීමේ ප්රවෘත්ති සාකච්ඡාවකට එක් වෙමින් අද (20) ඔහු මේ බව සඳහන් කරන්නට විය.
එලෙසම මෙම චක්රලේඛය තුළ නියඟවෙන් බලපෑමට ලක්වන ප්රදේශවලට ජල පහසුකම් සැපයීම සඳහා වඩාත් පහසු හා ඉක්මන් මැදිහත්වීමක් සිදුකිරීමට හැකි ආකාරයෙන් අවශ්ය නීති රෙගුලාසි වෙනස් කර ඇති බවද අමාත්යවරයා පැවසීය.
