රුපියල් කෝටි 5ක මත්ද්රව්ය සමග සැකකරුවෙක් අත්අඩංගුවට
March 27, 2026 04:26 pm
සපුගස්කන්ද ප්රදේශයේදී රුපියල් කෝටි 5කට අධික වටිනාකමක් සහිත මත්ද්රව්ය තොගයක් සමග සැකකරුවෙකු අත්අඩංගුවට ගෙන තිබේ.
කැලණිය කොට්ඨාස අපරාධ විමර්ශන කාර්යාංශයේ නිලධාරීන් සඳහන් කළේ සැකකරු සතුව තිබී හෙරොයින්, අයිස්, කොකේන් සහ මත්පෙති තොගයක් මෙලෙස සිය භාරයට ගත් බවය.
ඒ අතර හෙරොයින් කිලෝවකට අධික ප්රමාණයක්, අයිස් මත්ද්රව්ය ග්රෑම් 515ක්, කොකේන් මත්ද්රව්ය ග්රෑම් 565ක් ඇති බවද විමර්ශන නිලධාරින් වැඩිදුරටත් පවසයි.
එම මත්ද්රව්ය තොගය ඩුබායි සිටින මත්ද්රව්ය ජාවාරම්කරුවන් දෙදෙනෙකු විසින් අදාළ සැකකරුට ලබාදුන් ඒවා බවට තොරතුරු හෙළිවී ඇත.
කැලණිය කොට්ඨාස අපරාධ විමර්ශන කාර්යාංශයේ ස්ථානාධිපතිවරයාගේ ප්රධානත්වයෙන් සිද්ධිය සම්බන්ධයෙන් වැඩිදුර විමර්ශන සිදුකරයි.
