පැවැති අධික වර්ෂාපතනයෙන් පසුව ජාතික ගොඩනැගිලි පර්යේෂණ සංවිධානය ස්ථාන 494ක් මේ වනවිට පරීක්ෂාවට ලක්කර අවසන් කර ඇති බව එම සංවිධානය පවසයි.
තවත් ස්ථාන 2198ක් පරීක්ෂාවට ලක්කරන ලෙස ජනතාව ඉල්ලීම් කර ඇති බවද එම සංවිධානය පැවසීය.
මේ අතර අධික වැසි තත්ත්වය පහව ගියද දිස්ත්‍රික්ක 4ක ප්‍රාදේශීය ලේකම් කොට්ඨාස 37කට තවදුරටත් නායයෑමේ රතු නිවේදන නිකුත් කර තිබේ.
පැවැති වර්ෂාපතනයත් සමග පස අධික ලෙස ජලයෙන් සන්තෘප්තවීමත් මේ වනවිට ඊසානදිග මෝසම් තත්ත්වය සක්‍රියවීමත් හේතුවෙන් මෙලෙස නායයෑමේ රතු නිවේදන තවදුරටත් නිකුත් කර ඇති බවත් ජාතික ගොඩනැගිලි පර්යේෂණ සංවිධානය සඳහන් කළේය.
ඊයේ උදෑසනද මීගහකිවුල ප්‍රදේශයේ නායයෑමක් සිදුවී තිබූ අතර නායයෑමේ ලක්ෂණ හඳුනා ගැනීමෙන් බදුල්ල දිස්ත්‍රික්කයේ පවුල් රැසක් අදාළ ප්‍රදේශවලින් ඉවත් කිරීමට පියවර ගත් බවත් එම සංවිධානය පැවසීය.
මේ වනවිට ආරක්ෂිත ස්ථානවල රැඳීසිටින ජනතාව තවදුරටත් එම ස්ථානවලම රැඳීසිටීම වඩාත් උචිත බව පැවසෙයි.
ඊට හේතුවී ඇත්තේ එළැඹෙන 19 වනදා දක්වා වර්ෂාපතනයක් පැවතිය හැකි බවට කාලගුණ විද්‍යා දෙපාර්තමේන්තුව ප්‍රකාශ කිරීමය.
මේ අතර අදියර 2 යටතේ දිස්ත්‍රික්ක 5ක ප්‍රාදේශීය ලේකම් කොට්ඨාස 34කට අවධානයෙන් සිටින ලෙස දන්වමින් නිවේදනයක් නිකුත් කර ඇති බවද ජාතික ගොඩනැගිලි පර්යේෂණ සංවිධානය සඳහන් කළේය.
තවද දිස්ත්‍රික්ක 3ක ප්‍රාදේශීය ලේකම් කොට්ඨාස 17කට ද අදියර 1ක යටතේ නායයෑම් නිවේදන නිකුත් කර ඇත.
නායයාමේ පූර්ව අනතුරු ඇඟවීම
වලංගුභාවය: 2025.12.10 දින ප.ව. 4.00 සිට 2025.12.11 දින ප.ව. 4:00 දක්වා
අනතුරු ඇඟවීමේ මට්ටම 3 - ඉවත්වන්න (රතු)
මහනුවර දිස්ත්‍රික්කය:
- උඩපලාත
- ගගවට කෝරළය
- උඩුදුම්බර
- දොළුව
- මිණිපෙ
- පාතහේවාහැට
- මැදදුම්බර
- දෙල්තොට
- අකුරණ
- ගග ඉහළ කෝරළය
- පාතදුම්බර
- යටිනුවර
- තුම්පනේ
- උඩුනුවර
- හාරිස්පත්තුව
- පූජාපිටිය
- පස්බාගෙ කෝරළය
- පන්විල
- හතරලියද්ද
- කුණ්ඩසාලේ
කෑගල්ල දිස්ත්‍රික්කය:
- මාවනැල්ල
- රඹුක්කන
- අරණායක
- බුලත්කොහුපිටිය
- යටියන්තොට
කුරුණෑගල දිස්ත්‍රික්කය:
- රිදීගම
- මල්ලවපිටිය
- මාවතගම
මාතලේ දිස්ත්‍රික්කය:
- නාඋල
- රත්තොට
- අඹන්ගග කෝරළය
- උකුවෙල
- විල්ගමුව
- යටවත්ත
- මාතලේ
- පල්ලෙපොල
- ලග්ගල පල්ලේගම
අනතුරු ඇඟවීමේ මට්ටම 2 - අවදානයෙන් සිටින්න (ඇම්බර්)
බදුල්ල දිස්ත්‍රික්කය:
- බදුල්ල
- හපුතලේ
- හාලි ඇල
- කන්දකැටිය
- පස්සර
- මීගහකිවුල
- ඌව පරණගම
- වැලිමඩ
- ලුණුගල
- ඇල්ල
- බණ්ඩාරවෙල
- සොරණාතොට
- හල්දුම්මුල්ල
කෑගල්ල දිස්ත්‍රික්කය:
- දෙහිඕවිට
- දැරණියගල
- රුවන්වැල්ල
- කෑගල්ල
- ගලිගමුව
- වරකාපොල
කුරුණෑගල දිස්ත්‍රික්කය:
- පොල්ගහවෙල
- අලව්ව
නුවරඑළිය දිස්ත්‍රික්කය:
- නුවරඑළිය
- අඹගමුව කෝරලේ
- තලවකැලේ
- නෝර්වුඩ්
- කොත්මලේ බටහිර
- කොත්මලේ නැගෙනහිර
- වලපනේ
- හගුරන්කෙත
- නිල්දණ්ඩාහින්න
- මතුරට
රත්නපුර දිස්ත්‍රික්කය:
- කහවත්ත
- ගොඩකවෙල
- කොලොන්න
අනතුරු ඇඟවීමේ මට්ටම 1 - විමසිලිමත් වන්න (කහ)
ගම්පහ දිස්ත්‍රික්කය:
- අත්තනගල්ල
- දිවුලපිටිය
- මීරිගම
කුරුණෑගල දිස්ත්‍රික්කය:
- නාරම්මල
රත්නපුර දිස්ත්‍රික්කය:
- කිරිඇල්ල
- රත්නපුර
- ඇහැළියගොඩ
- කුරුවිට
- ඇලපාත
- අයගම
- බලංගොඩ
- කලවාන
- ඉඹුල්පෙ
- නිවිතිගල
- ඕපනායක
- පැල්මඩුල්ල
- කල්තොට
