header logo
Vallibel FD
Valible Le
විශේෂාංග
එල්ලුම්ගහ පෙනි පෙනී උපාධි පිට උපාධි ගත් ඉන්දික
එල්ලුම්ගහ පෙනි පෙනී උපාධි පිට උපාධි ගත් ඉන්දික
Mobitel 1278

මරණීය දණ්ඩනය නියමවූවෙකුට අනාගතය ගැන බලාපොරොත්තුවක් ඉතිරි නොවන තරම්ය. ජම්පරයත්, පිඟානත්, කෝප්පයත් හැර අන් යමක් ඔවුන් සතුව නොමැත. එහෙත් 'සිරකරුවෝද මනුෂ්‍යයෝය' යන වැකියට නිසි වටිනාකමක් දෙමින් මරණයේ නිමේෂය තෙක්ම බලාපොරොත්තු අහුලා ගන්‍නට මරණීය දණ්ඩනය නියමවූවෙකුට බාධාවක්ද නැත.

බමුණුසිංහ ආරච්චිගේ ලක්මිණ ඉන්දික බමුණුසිංහද එසේ බලාපොරොත්තු අත්නොහැරි චරිතයකි. එමෙන්ම ඔහු මෙරට බන්ධනාගාර ඉතිහාසයට අලුත් පිටුවක්ද එක්කර ඇත. ඒ මරණය තෙක්ම මිනිසකුට ඉගෙන ගැනීමට දේවල් ඇතැයි ලොවට පසක් කරමිනි.

ඒ අනුව 2015 වසරේදී ශාස්ත්‍රවේදී උපාධියත්, 2019 වසරේදී ශාස්ත්‍රපති උපාධියත් ලබාගත් ඔහු මේ වනවිට ඉන්නේ දර්ශනපති උපාධිය අභියසය. දර්ශනපති උපාධියේ පර්යේෂණ නිබන්ධනය පසුගිය 28 වැනිදා විශ්වවිද්‍යාලයට භාර දුන්නේ බන්ධනාගාරයක සිට එවැන්නක් කළ මෙරට පළමු වැනියාත්, ලොව හයවැනියාත් ලෙසිනි.

සෑම කළු වලාකුළකම රිදී රේඛාවක් ඇතැයි කියන්නා සේ මෙම රිදී රේඛාව සොයා ගන්න ට බමුණුසිංහට දෛවය විසින් ලබාදුන් තීන්දුවක් ප්‍රබල ලෙස බලපෑම් කළේය. පාසල් වියේ සිටම ක්‍රීඩාවටත්, ඉගෙනීමටත් එක ලෙස දස්කම් දැක්වූ ඔහු 2013 වසර වනවිට උප පොලිස් පරීක්ෂකවරයකු ලෙස දස වසරක සේවා කාලයක් සම්පූර්ණ කර තිබුණි.

මේ අතර බම්බලපිටියේ විසූ කෝටිපති ව්‍යාපාරිකයකු වූ මොහොමඩ් ෂියාම් නමැත්තා පැහැරගෙන ගොස් ඝාතනය කිරීමේ සිදුවීමට අදාළව හිටපු නියෝජ්‍ය පොලිස්පතිවරයෙකු වූ වාස් ගුණවර්ධන, ඔහුගේ පුතු ඇතුළු පොලිසියේ සිව්දෙනෙකු‍ට මරණ දඬුවම නියම විය. උප පොලිස් පරීක්ෂක ලක්මිණ ඉන්දික බමුණුසිංහ ද ඒ අතර විය. 2015 වසරේදී එම තීන්දුව ලැබෙන විට බමුණුසිංහ රක්ෂිත බන්ධනාගාරයේ දෙවසරක කාලයක් ගෙවා දමා අවසන්ය. එම කාලය ඔහේ ගෙවා නොදැමූ ඔහු ඒ වනවිට ශාස්ත්‍රවේදී විභාගයද ලියා අවසන් කොට තිබුණි.

"එයා සැකකරුවකු ලෙස 2013 වසරේ රිමාන්ඩ් කරද්දී ශ්‍රී ජයවර්ධනපුර විශ්වවිද්‍යායාලයේ බාහිර උපාධි අපේක්ෂකයෙකු ලෙස ලියාපදිංචි වෙලා හිටියේ. එයා දේශනවලට සහභාගි වෙලා හිටියත් පළමු පරීක්ෂණයට මුහුණ දීලා හිටියේ නෑ. ඒ විභාගේ ලියනවා නම් ඒකට බන්ධනාගාර නිලධාරීන්ගේ අවසරය ලබාගන්න ඕනෑ. ඒ අනුව එවකට බන්ධනාගාර නිලධාරිවරයකු වූ චන්දන ඒකනායක මහත්තයාට මේ ගැන කියලා ඉල්ලීමක් කළාම එතුමා අවශ්‍ය අංශ දැනුවත් කරලා මහත්තයට ලිඛිත පරීක්ෂණයට මුහුණදෙන්න බන්ධනාගාරය තුළම අවස්ථාව හදලා දුන්නා." ඒ බමුණුසිංහගේ ආදරණීය බිරිඳගේ හඬය.

ඔහු හා ජීවිතය අරඹන විටම තමන්ගේ සිහින බොඳ කරවන තීන්දු ලැබුණද බමුණුසිංහගේ චිත්ත ධෛර්යයට ඇයගෙන් ලැබුණේ ඉමහත් ශක්තියකි. තමා නිර්දෝෂී බව ඔහු ඇයට කීවා පමණක් නොව කවදාක හෝ මුහුණ දීමට සිදුවන මරණය තෙක් හොඳින් ජීවත් වීමටද හෙතෙම අධිඨන් කරගත්තේ ය. තවද මරණය පෙනි පෙනී පවා ඔහු අධ්‍යාපනයෙන් ඉහළට යාමට සිතන්නේ වරදක් ඇතිව හෝ නැතිව බන්ධනාගාර ගතවන සියලු සිරකරුවන්ගේ හිතට පුංචිම හෝ ධෛර්යයක්ද ගෙනෙමිනි.

ඒ අනුව ශ්‍රී ජයවර්ධනපුර විශ්වවිද්‍යාලයෙන් ශාස්ත්‍රවේදී බාහිර උපාධිය සම්පූර්ණ කරන්නට ඔහුට හැකිවන්නේ මෙරට බන්ධනාගාර ඉතිහාසයද අලුත් කරමිනි. ඒ 2015 අවුරුද්දේ ය. එම කාලයේදී ඔහු පාඩම් කළේ සුවපහසු පරිසරයක නොවේ. ඔහු වෙනුවෙන් ඇතැම් දිනවල දේශනවලට සහභාගි වූයේ බිරිඳය. ඇය එම දේශන පටිගත කොට ගෙන පැමිණ ඔහුට ලබාදෙන්නේ බන්ධනාගාර නිලධාරීන්ගේ ද අවසරය ඇතිවය.

"එහෙම ගෙනත් දෙන දේශන අඩංගු සී.ඩී. පට රාත්‍රී දහයෙන් පසුව ඔහුට ශ්‍රවණය කරන්න අවස්ථාව සැලසුණා. ඒ අනෙක් සිරකරුවන් නින්දට ගිය පසුවයි. ඔය විදියට ඔහු මුහුණදුන්නු පළමු විභාගයම සමත්වුණා. ශාස්ත්‍රවේදී උපාධිය ලබද්දී බන්ධනාගාරයෙන් ඔහුට උපාධි ප්‍රදානෝත්සවයට යාමට අවසර දුන්නා . ඒ වෙලාවේ එයා කිව්වා ඊළඟට ශාස්ත්‍රපති උපාධිය සම්පූර්ණ කරනවා කියලා. ඒ එක්කම ඊට සියයට හැත්තෑවක් දේශන සම්පූර්ණ කරන්න ඕනෑ කියන නියමයක් තිබුණා. ඒ අනුව දින හත අටක් එයාට දේශනවලට සහභාගි වෙන්න අධිකරණ අවසරය ලැබුණා. ඒ. එන්. සී. බී. එස්. මොරායස් සහ මොහොමඩ් සහබ්දීන් යන විනිසුරුවරුන්ගෙන් ලැබුණු මානුෂීය තීන්දුවත් එක්කයි." සතුටු කඳුළු වගුරුවමින් ඉන්දිකගේ බිරිඳ එම අතීතය වචන බවට පෙරළුවාය.

එසේ තීන්දු ලැබෙද් දී එය වළක්වන්නටද ඇතැමුන් උත්සාහ කළත් තම අධිෂ්ඨානය වෙත ළඟාවීමට ඔහු තුළ තිබුණු කැපවීම නිසාම ඊට බාධා පමුණුවන්නට කිසිවකුට අවකාශ නොලැබිණි. ඒ අනුව 2019 වසරේදී ඔහු කැලණිය විශ්වවිද්‍යාලයෙන් ශාස්ත්‍රපති උපාධියද ලබාගත්තේ හිත ඇත්නම් පත කුඩාද යන කියමන මොනවට තහවුරු කරමිනි.

අනතුරුව ඔහු එම විශ්වවිද්‍යාලයේම දර්ශනපති උපාධියට මුහුණදෙන්න ට සූදානම් වූයේ ඉගෙනීමට වූ නොතිත් ආශාව නිසාමය. එහි නිබන්ධනය වෙනුවෙන් ඔහුට මුදල්ද ඕනෑ විය. එම අවශ්‍යතාව එවකට ජනාධිපති වූ මෛත්‍රීපාල සිරිසේන මහතාට යොමු කරන්නේ බන්ධනාගාර නිලධාරීන්ගේ ද අනුමැතිය සහිතව කෝට්ටේ හිටපු නගරාධිපති ජනක රණවක විසිනි. ජනාධිපති අරමුදලින් රුපියල් ලක්ෂ විස්සක මුදලක් ඔහුගේ අධ්‍යාපන කටයුතු වෙනුවෙන් වෙන් වන්නේ එහි ප්‍රතිඵලයක් වශයෙනි.

ඒ අනුව "ශ්‍රී ලංකාවේ කල්ලි අපරාධවල නව ප්‍රවණතා" නමින් පිටු තුන්සිය ගණනකින් සමන්විත දර්ශනපති නිබන්ධනය සකසා ඔහු සරසවියට එය භාරදුන්නේ එම ආචාර්ය මණ්ඩලයේ මඟපෙන්වීම හා අනුදැනුම මතය. එහිදී මහාචාර්ය ගීතානි අමරතුංගගේ සහ මහාචාර්ය උබයසේකරයන්ගේ මඟපෙන්වීම විශාල පිටුබලයක් වූ බව ඉන්දිකගේ බිරිඳ සඳහන් කළාය.

මරුවා පෙනි පෙනී තිබියදීත් ඉගෙනීමට ඔහු තුළ වූ කැපවීමට මනා වටිනාකමක් ලබාදීමට සරසවි ආචාර්යවරුද පසුබට නොවිණි. ඒ අනුව එම උපාධි තුනේ ම අධ්‍යයන කටයුතු කරද්දී සියලු විශ්වවිද්‍යාලවල ආචාර්ය මණ්ඩලය නිබන්ධන කරුණු ගැන විමසුවහොත් දිවා රෑ නොබලා ඔහුට එම කරුණු කියා දෙන්නට තරම් නිර්ලෝභී වී තිබේ.

මෙතරම් දුරක් එන්නට අතිරේක බන්ධනාගාර කොමසාරිස් ජනරාල්, මාධ්‍ය ප්‍රකාශක චන්දන ඒකනායක මහතා ඉමහත් ශක්තියක් වූ බව ඉන්දික පවසයි.

බමුණුසිංහ වරක් බිරිඳට කියා ඇත්තේ මොහොමඩ් අලිගේ සාර්ථකත්වය පිටුපස සිටියේ ඔහුගේ කළමනාකරු බවත්, තමාට බන්ධනාගාර ඉතිහාසය වෙනස් කරන්නෙට ලැබුණේ චන්දන ඒකනායක මහතාගේ කාරුණිකභාවය නිසා බවත්ය.

"ඇත්තටම, මම කිසිම අවස්ථාවක 'නැහැ' කියන වචනය භාවිත කළේ, නැහැ." එහෙම කිව්වා නම් මරණ දඬුවම නියම වූ අයෙකු ලෙස ඔහු කඩා වැටෙනවා. ඒ වගේම තමයි මේ වගේ අවදානමක් ගන්න බොහෝ වෙලාවට කෙනෙක් ඉදිරිපත් වෙන්නේ නැහැ. මම ඒ අවදානම අරගත්තා. ඒ එක්කම ඔහු වෙනුවෙන් ලෙක්චර්ස්වලට ගියේ ඔ හුගේ බිරිඳයි. ඔහු මට ගෞරවයක් ලබාදෙන්නේ යම් සේද එතරම්ම ගෞරවයක් ඔහුගේ බිරිඳටත් හිමිවිය යුතුයි. ඇය ඒතරම්ම කැපවීමක් ඔහු වෙනුවෙන් කළා. ඒ ඇරුණම බන්ධනාගාර නිලධාරීන් ලෙස අපි ගත්තේ ලොකු අවදානමක්. මරණීය දණ්ඩනය නියමවූ කෙනකුගේ හිතේ බලාපොරොත්තු බිඳ වැටෙනවා. ඔහු සම්පූර්ණයෙන්ම කඩා වැටෙනවා. හැබැයි මොහු මේ ලබාදෙන ආදර්ශය සෙස්සන්ට ඉතාම වටිනවා.

ඔහු දර්ශනපති උපාධිය කරද්දී ඔහුට දහවල් කාලයේ පාඩම් වැඩ කටයුතු කරන්න අවසර ලැබුණා. නමුත් ඒ සිරකුටියේ නෙමෙයි. බන්ධනාගාරය තුළ පන්සල් භූමියේ ඉඳගෙනයි ඔහු නිබන්ධනය ලිව්වේ. ඒ වගේම ඔහුට ලැප්ටොප් පරිගණකය භාවිත කරන්න අවසර ලබාදුන්නා. බන්ධනාගාර සුබසාධක මණ්ඩලය ඔහුට ලොකු සහයෝගයක් ලබාදුන්නා.

ඒ වගේම බන්ධනාගාර ඉතිහාසය තුළ පළමු වතාවට තමයි මරණ දඬුවමට ලක්වූවෙක් දර්ශනපති උපාධිය සම්පූර්ණ කරන්නේ. එතනදී බන්ධනාගාර කොමසාරිස්වරයාගේ සිට සියලු නිලධාරීන් ඔහුට සහයෝගය දැක්වූවා. ඔහු ලංකා ඉතිහාසය අලුත් කළා. ලෝකයේ මෙවැනි අවස්ථා හයක් තිබෙනවා. හැබැයි ඒ බොහෝ උපාධි අවස්ථා ආගම සම්බන්ධ ලබාගත් උපාධි."ශ්‍රී ලංකාවේ කල්ලි අපරාධවල නව ප්‍රවණතා" සම්බන්ධව දර්ශනපති උපාධියක් ලබන පළමු තැනැත්තා ඔහුයි." අතිරේක බන්ධනාගාර කොමසාරිස් චන්දන ඒකනායක සිය මතකය වචන බවට පෙරළුවේ එලෙසිනි.

මිනිසකුට සිය බලාපොරොත්තුවක් අන්තිම ශේෂය වනතෙක් සිඳී ගියද සුබවාදී බලාපොරොත්තු නැති කරගන්නට තරම් එය කාරණාවක් නොවේ. බමුණුසිංහ ලංකාවට දෙන ආදර්ශය එයයි. කොතරම් දුෂ්කර පරිසරයක වුවත් උත්සාහ කළහොත් මල් නොපිපී තියෙන්නේ නැත. ඒ මල් කවදාක හෝ ලංකාවම සුවඳ කරන බවට බමුණුසිංහගේ සිංහ සෙයියාව ඉතිහාසයේ රන් අකුරින් ලියැවෙනු නොඅනුමානය.

- උපුටා ගැනීම -

අරුණ පුවත්පත - දීපා වසන්ති එදිරිසිංහ

MostRead

Mobitel 1278

වීඩියෝපුවත්

අයවැය ගැන හර්ෂගේ පැහැදිලි කිරීම - '' හැබැයි පොඩි game එකක් ගැහුවා''| Ada Derana

අයවැය ගැන හර්ෂගේ පැහැදිලි කිරීම - '' හැබැයි පොඩි game එකක් ගැහුවා''| Ada Derana

ළමා ගායිකා සෙනුමි ගමන් ගත් මෝටර් රථය අනතුරක  | එකම පවුලේ සිව්දෙනෛකු රෝහලට...

ළමා ගායිකා සෙනුමි ගමන් ගත් මෝටර් රථය අනතුරක | එකම පවුලේ සිව්දෙනෛකු රෝහලට...

"අපි පත්කර ගත්තේ ජනාධිපති සහෝදරයෙක්...අනේ උන් සැපට - අපි දැම්මා ළිපට"

"අපි පත්කර ගත්තේ ජනාධිපති සහෝදරයෙක්...අනේ උන් සැපට - අපි දැම්මා ළිපට"

සැක දුරුකළ වැඩබලන අටමස්ථානාධිපති... 'පූජාභූමි සංවර්ධන සැලැස්ම කඩාකප්පල් කරන්න එපා'' | Ada Derana

සැක දුරුකළ වැඩබලන අටමස්ථානාධිපති... 'පූජාභූමි සංවර්ධන සැලැස්ම කඩාකප්පල් කරන්න එපා'' | Ada Derana

"ගණිතය ගැන අවබෝධයක් නැති එක තමා මේ රටේ පළවෙනි ප්‍රශ්නේ | Ada Derana

"ගණිතය ගැන අවබෝධයක් නැති එක තමා මේ රටේ පළවෙනි ප්‍රශ්නේ | Ada Derana

"සංගායනාවක් තියලා සිවුරට නොගැළපෙන අය ඉවත් කරන්න''

"සංගායනාවක් තියලා සිවුරට නොගැළපෙන අය ඉවත් කරන්න''

ලාෆ්ස් ගෑස් සමාගමේ නිලධාරීන් පාරිභෝගික අධිකාරියට කැඳවයි

ලාෆ්ස් ගෑස් සමාගමේ නිලධාරීන් පාරිභෝගික අධිකාරියට කැඳවයි

 විදෙස් සංචිත අර්බුදයක් ගැන මරික්කාර් ආණ්ඩුවට අනතුරු අඟවයි"මේක පොඩි එකාගේ සුරංගනා පොත වගේමයි"

විදෙස් සංචිත අර්බුදයක් ගැන මරික්කාර් ආණ්ඩුවට අනතුරු අඟවයි"මේක පොඩි එකාගේ සුරංගනා පොත වගේමයි"

වෘත්තීය සමිති කිහිපයක් තවදුරටත් අයවැයට විරෝධය

වෘත්තීය සමිති කිහිපයක් තවදුරටත් අයවැයට විරෝධය

චමල් රාජපක්ෂගේ බිරිඳ චන්ද්‍රා මාලනීගේ දේහය මැදමුලනට...

චමල් රාජපක්ෂගේ බිරිඳ චන්ද්‍රා මාලනීගේ දේහය මැදමුලනට...

දෑතට විලංගු ලා කස්සප හිමි... ත්‍රිකුණාමලය අධිකරණයට රැගෙන ආ හැටි

දෑතට විලංගු ලා කස්සප හිමි... ත්‍රිකුණාමලය අධිකරණයට රැගෙන ආ හැටි

බෙංගාල බොක්කේ අඩුපීඩන කලාපය හෙට සුළි කුණාටුවක්...

බෙංගාල බොක්කේ අඩුපීඩන කලාපය හෙට සුළි කුණාටුවක්...

දිවුලපිටියේ පැත්තක් කළු කරමින් පැය 8කටත් වඩා ගිනිගත් 'ෆ්‍රැක්ට්‍රිය'

දිවුලපිටියේ පැත්තක් කළු කරමින් පැය 8කටත් වඩා ගිනිගත් 'ෆ්‍රැක්ට්‍රිය'

අයවැයේ බෙදීම් දැක්ක විපක්ෂ නියෝජිතයෝ..

අයවැයේ බෙදීම් දැක්ක විපක්ෂ නියෝජිතයෝ..

කෝපි හදන, කෑම බෙදන, මේස පිහින රොබෝ වේටර්වරු ! - චීනයේ APEC මාධ්‍ය මධ්‍යස්ථානයේ පෙරළියක් | Ada Derana

කෝපි හදන, කෑම බෙදන, මේස පිහින රොබෝ වේටර්වරු ! - චීනයේ APEC මාධ්‍ය මධ්‍යස්ථානයේ පෙරළියක් | Ada Derana

Mobitel 1278
Lassana Flora

Spotlight

"කාලගුණ අනාවැකි අනුව සමාජ බලපෑම් පිළිබඳ වාර්තාවක් සකසන්න" - ජනපතිගෙන් නිලධාරීන්ට උපදෙස් | Ada Derana

"කාලගුණ අනාවැකි අනුව සමාජ බලපෑම් පිළිබඳ වාර්තාවක් සකසන්න" - ජනපතිගෙන් නිලධාරීන්ට උපදෙස් | Ada Derana

ක්‍රෙඩිට් කාඩ් භාවිතය ඉහළට | Ada Derana

ක්‍රෙඩිට් කාඩ් භාවිතය ඉහළට | Ada Derana

කථානායකගේ රියදුරන් දෙදෙනා අල්ලස් කොමිසමට ගෙන්වයි | Ada Derana

කථානායකගේ රියදුරන් දෙදෙනා අල්ලස් කොමිසමට ගෙන්වයි | Ada Derana

කාවන්තිස්සගේ වටිනාකම උසාවිය ඉල්ලයි - දීගදන්තු 1 මිලියන 90යි | Ada Derana

කාවන්තිස්සගේ වටිනාකම උසාවිය ඉල්ලයි - දීගදන්තු 1 මිලියන 90යි | Ada Derana

"පූජාභූමි සංවර්ධනයට බාධා කරන්න එපා, වැටක් ගහන්නේ හරක් රිංගනවාට" - වැඩබලන අටමස්ථානාධිපති | Ada Derana

"පූජාභූමි සංවර්ධනයට බාධා කරන්න එපා, වැටක් ගහන්නේ හරක් රිංගනවාට" - වැඩබලන අටමස්ථානාධිපති | Ada Derana

පොලිස්පති ධුරයේ වැඩබැලීම SDIG සංජීව ධර්මරත්නට | Ada Derana

පොලිස්පති ධුරයේ වැඩබැලීම SDIG සංජීව ධර්මරත්නට | Ada Derana

ත්‍රිකුණාමලය උසාවියට වරෙන්තු වූ බලංගොඩ කස්සප හිමි අද දක්වා රිමාන්ඩ් | Ada Derana

ත්‍රිකුණාමලය උසාවියට වරෙන්තු වූ බලංගොඩ කස්සප හිමි අද දක්වා රිමාන්ඩ් | Ada Derana

 දවසේ කාටුන් විස්තරේ

දවසේ කාටුන් විස්තරේ

 නිලධාරීන් මරණයෙන් බේරගන්න පොලිසියට ජිම්

නිලධාරීන් මරණයෙන් බේරගන්න පොලිසියට ජිම්

 ඉතිහාසයේ විශාලම වාහන තොගය වනජීවී සංරක්ෂණයට

ඉතිහාසයේ විශාලම වාහන තොගය වනජීවී සංරක්ෂණයට

 ණය පොලී බර අඩුවෙයි

ණය පොලී බර අඩුවෙයි

 සංචාරක සංවර්ධන බද්ද අහෝසිය ලෙඩක්

සංචාරක සංවර්ධන බද්ද අහෝසිය ලෙඩක්

 ජාතික ආදායමෙන් සියයට 56ක් සියයට විස්සක් අතේ

ජාතික ආදායමෙන් සියයට 56ක් සියයට විස්සක් අතේ

 දවසේ කාටූන් විස්තරේ

දවසේ කාටූන් විස්තරේ

RMV කාර්යාලය අසල හොර 'RMV' නිවසක්

RMV කාර්යාලය අසල හොර 'RMV' නිවසක්