ශ්රී ලංකාවද සම අනුග්රහය දැක්වූ එක්සත් ජාතීන්ගේ මානව හිමිකම් යෝජනාවලියේ නිර්දේශ ක්රියාත්මක කිරීම සඳහා ශ්රී ලංකාවට තවත් වසර දෙකක කාලයක් ලබාදෙමින් 40 වැනි ජගත් මානව හිමිකම් සැසිවාරයේදී එම යෝජනාවලිය ඡන්ද විමසීමකින් තොරව සම්මත වී තිබේ.
ඒ අනුව අදාල යෝජනා ක්රියාත්මක කිරීම සම්බන්ධයෙන් ශ්රී ලංකාව දක්වා ඇති ප්රගතිය තවත් වසර දෙකකට පසුව මානව හිමිකම් කවුන්සිලයේ 42 වැනි සැසිවාරයේදී ඔවුන් විසින් දැනුම් දෙනු ඇති.
එක්සත් ජාතීන්ගේ මානව හිමිකම් පිළිබඳ මහ කොමසාරිස්වරිය මානව හිමිකම් කවුන්සිලයේ 40 වැනි සැසිවාරයට ශ්රී ලංකාව පිළිබඳ සිය වාර්තාව ඉදිරිපත් කිරීමෙන් අනතුරුව එම යෝජනාවලට අදාළව ශ්රී ලංකාව සම අනුග්රාහකත්වය දැක්වීමේ යෝජනාවලිය සලකා බැලීම සිදුකෙරුණි.
ඒහිදී ඡන්ද විමසීමකින් තොරවම එම යෝජනාවලිය සම්මත වුයේ අදාල නිර්දේශ ක්රියාත්මක කිරීම සඳහා ශ්රී ලංකාවට තවත් වසර දෙකක කාලයක් ලබාදෙමින්.
අදාළ යෝජනාව ඉදිරිපත් කරමින් බි්රතාන්යයේ නිත්ය නියෝජිත ජුලියන් බ්රාත්වේට් එහිදී සඳහන් කළේ
2015 වසරේ ඉදිරිපත් වූ යෝජනාවේ ඇතැම් කරුණු ඉටු කිරීම සම්බන්ධයෙන් ද සාධනීය ප්රගතියක් නොමැති වීම හේතුවෙන් එම කරුණු කඩිනමින් ඉටු කිරීමට නව වාර්තාවෙන් ශ්රි ලංකාව දිරි ගන්වන බවයි.
මේ අතර ශ්රී ලංකාව වෙනුවෙන් අදහස් දැක්වූ තිලක් මාරපන අමාත්යවරයා ප්රකාශ කළේ අදාළ යෝජනාවට සම අනුග්රහය දැක්වීමෙන් ශ්රී ලංකාව තවදුරටත් එම ප්රමිතීන් තුළින් ඉදිරියට යාමට සූදානම් බවයි.
යෝජනා සම්මතයට අනුව ක්රමික අවසානයක් කරා ගෙනයෑම සහතික වීම සඳහා අදාළ දේශීය ආයතන සහ ජාතික මානව හිමිකම් කොමිසම ඇතුළු ස්වාධීන ආයතන සමඟ සමීපව කටයුතු කරන මෙන් මානව හිමිකම් පිළිබඳ මහකොමසාරිස් කාර්යාලයට ඇරයුම් කරන බවද ඔහු වැඩිදුරටත් සඳහන් කළේය.
ඒ අනුව ශ්රී ලංකාවද සමඅනුග්රහය දක්වමින් සම්මත වූ අදාළ යෝජනාවලිය ක්රියාත්මක කිරීමේදී ශ්රි ලංකාව දක්වා ඇති ප්රගතිය පිළිබඳ අතුරු වාර්තාවක් 2021 වසරේ මාර්තු මාසයේදී රැස්වන එක්සත් ජාතීන්ගේ මානව හිමිකම් කවුන්සිලයේ 42 වන සැසිවාරයටත්, සම්පූර්ණ වාර්තාවක් 46වන සැසිවාරයටත්, ඉදිරිපත් කිරීමට නියමිතයි.
https://youtu.be/jaBajcoZ7ms
