
දකුණු අප්රිකාවේ වෙඩි තැබීම් සිද්ධීන් දෙකකින් පුද්ගලයින් 17 දෙනෙකු ජීවිතක්ෂයට පත්ව ඇති අතර ඒ සම්බන්දයෙන් එරට පොලීසිය විසින් පුළුල් පරීක්ෂණ ආරම්භ කර තිබේ.
ක්වාසුලු-නාටාල් (KwaZulu-Natal) පළාතේ බස් රථයක් තුළ සිටියදී පිරිමි පුද්ගලිය්න් අට දෙනෙකු වෙඩි තබා ඝාතනය කර තිබේ.
පොලීසිය එම ස්ථානයට ළඟා වන විටත් ඔවුන් මියගොස් සිට ඇති බව සඳහන් වේ.
ඉන් පැය කිහිපයකට පසු, ප්රිටෝරියා (Pretoria) බටහිර ප්රදේශයේ පැල්පතක් තුළ තිබී වෙඩි තබා ඝාතනය කරන ලද තවත් පුද්ගලයින් නව දෙනෙකුගේ මළ සිරුරු සොයාගෙන ඇත.
ඊයේ (15) දිනයේ සිදුව ඇති මෙම සිද්ධීන් දෙක එකිනෙකට සම්බන්ධ නොවන බව පවසන එරට ආරක්ෂක අංශ, ඝාතනවලට නිශ්චිත හේතුව මෙතෙක් අනාවරණය වී නොමැති බව සඳහන් කරයි.
දකුණු අප්රිකාව මිනීමැරුම් ඇතුළු ප්රචණ්ඩකාරී අපරාධ පාලනය කරගැනීමට දැඩි පරිශ්රමයක් දරමින් සිටින අතර, ලෝකයේ ඉහළම මිනීමැරුම් අනුපාතයක් ඇති රටක් ලෙස සැලකේ. නීති විරෝධී ගිනිඅවි බහුල මෙම රට තුළ සමූහ වෙඩි තැබීම් නිරන්තර ගැටළුවක් වී තිබේ.
මෙහි වැඩි ප්රමාණයක් මත්ද්රව්ය ජාවාරම් සහ නීති විරෝධී පතල් කර්මාන්තයේ යෙදී සිටින කල්ලි අතර පවතින බල අරගල සමඟ සම්බන්ධ වී ඇත.
නවතම පොලිස් සංඛ්යාලේඛනවලට අනුව, 2026 අප්රේල් සහ ජුනි අතර කාලය තුළ රට පුරා පුද්ගලයින් 5,427 දෙනෙකු ඝාතනය කර ඇති අතර, එය දිනකට සාමාන්යයෙන් ඝාතන 60 කි.
කෙසේ වෙතත්, එය මීට වසරකට පෙර එම කාලයට සාපේක්ෂව 6% ක පහළ යාමකි. සන්නද්ධ ප්රචණ්ඩත්වය මැඩපැවැත්වීම සඳහා ඉහළම මිනීමැරුම් අනුපාත සහිත පළාත් සඳහා හමුදාවද යොදවා ඇත.

















































