වෙනත් පුවත්
ඝාතන සැකකරුවෙකු අත්අඩංගුවට
නොරොච්චෝලය, ගාමන්ඩ්වත්ත ප්‍රදේශයේදී පුද්ගලයෙකුට පොල්ලකින් පහරදී ඝාතනය කිරීමේ සිද්ධියක් සම්බන්ධයෙන් සැකකරුවෙකු අත්අඩංගුවට ගෙන තිබේ.
ඊයේ (19) අලුයම් කාලයේදී මෙම ඝාතනය සිදුව ඇති අතර, සිද්ධිය සම්බන්ධයෙන් නොරොච්චෝලය පොලිසිය විමර්ශන ආරම්භ කර තිබුණි.
පොලිසිය සිදුකළ විමර්ශනවලදී අනාවරණය වී ඇත්තේ පුද්ගලික ආරවුලක් දුරදිග යාමෙන් සිදුවූ පහරදීමක් හේතුවෙන් මෙම ඝාතනය සිදුව ඇති බවය.
ඒ අනුව, අපරාධයට සම්බන්ධ සැකකරු එදිනම විමර්ශන නිලධාරීන් විසින් අත්අඩංගුවට ගෙන තිබේ.
අත්අඩංගුවට ගත් සැකකරු වයස අවුරුදු 49ක් වන පාලවිය ප්‍රදේශයේ පදිංචිකරුවෙකි.
සිද්ධිය සම්බන්ධයෙන් නොරොච්චෝලය පොලිසිය වැඩිදුර විමර්ශන සිදුකරයි.
