ඔස්ට්‍රේලියානු සොහොයුරන් වන ජේක් සහ කැලම් රොබින්සන් මෙන්ම ඔවුන්ගේ අමෙරිකානු මිතුරෙකු වන කාටර් රෝඩ් යන තිදෙනාව ඝා.නය කළ වරදට මෙක්සිකෝවේ පුද්ගලයන් තිදෙනකුට, එක් අයෙකුට වසර 158කුත් මාස 9 බැගින් සිරදඬුවම් නියම කිරීමට මෙක්සිකෝ විනිසුරුවරයෙකු කටයුතු කර තිබේ.
මෙම අපරාධය සිදුවී ඇත්තේ 2024 වසරේදී, ඔවුන් සර්ෆින් ක්‍රීඩා කිරීම සඳහා බාජා කැලිෆෝනියා හි වෙරළ තීරයක සංචාරය කරමින් සිටියදී ඔවුන් පැමිණි රථය කොල්ලකෑමේ අසාර්ථක උත්සාහයක් අතරතුරදී බව අධිකරණයේදී අනාවරණය විය.
මෙම ඝාතන මෙක්සිකෝවේ අනෙකුත් ප්‍රදේශවල දක්නට ලැබෙන ප්‍රචණ්ඩත්වයෙන් සාමාන්‍යයෙන් ආරක්ෂිත ප්‍රදේශයක් වූ බැවින්, ලොව පුරා, විශේෂයෙන්ම ඔස්ට්‍රේලියාව තුළ දැඩි කම්පනයක් ඇති කිරීමට සමත් විය.
සොහොයුරන්ගේ මව වන ඩෙබ්රා රොබින්සන් අධිකරණය හමුවේ කියා සිටියේ, තම පුතුන්ගේ ඝාතනයන් තමන් ඔවුන් සමඟ අපේක්ෂාවෙන් සිටි අනාගතය උදුරා ගත් බවයි.
වරදකරුවන් වූ ඝාතකයන්ගේ සම්පූර්ණ නම් හෙළිදරව් කර නොමැති අතර, ඔවුන් හඳුනාගෙන ඇත්තේ ජීසස් ජෙරාඩෝ, ඉරිනියෝ ෆ්‍රැන්සිස්කෝ සහ ඇන්ජල් ජීසස් ලෙසය.
පසුගිය නොවැම්බර් මාසයේදී, ප්‍රධාන සැකකරු ලෙස සැලකෙන ජීසස් ජෙරාඩෝ ගේ පෙම්වතිය වෙනම නඩු විභාගයකදී වසර 20 ක සිරදඬුවමකට යටත් විය.
ඒ කොල්ලකෑමට සම්බන්ධ වූ බව ඇය මීට පෙර පිළිගෙන තිබීමත් සමඟය.
වින්දිතයින්ගේ මළ සිරුරු හිසට වෙඩි තබා ළිඳක දමා තිබියදී සොයාගත් බව වාර්තා වේ.
