දිවයිනට බලපා ඇති වැසි සහිත කාලගුණික තත්ත්වය හේතුවෙන් ප්රධාන ගංගා කිහිපයක ජල මට්ටම ඉහළ ගොස් ඇති බව වාරිමාර්ග දෙපාර්තමේන්තුවේ ජලවිද්යා හා ආපදා කළමනාකරණ අංශය පවසයි.
අද (21) රාත්රී 9:00 වන විට නිකුත් කරන ලද ජල මට්ටම් සහ වර්ෂාපතන වාර්තාවට අනුව, ඇතැම් ප්රදේශවල සුළු ගංවතුර තත්ත්වයක් පවතින අතර තවත් ප්රදේශ කිහිපයක් අවධානම් මට්ටමේ පවතී.
කුඩා ගඟ (මිල්ලකන්ද / කළවැල්ලාව) - ජල මට්ටම මීටර් 7.12ක් ලෙස සටහන් වෙමින් සුළු ගංවතුර තත්ත්වයක් (Minor Flood) පවතී.
ගිං ගඟ (බද්දේගම) -ජල මට්ටම මීටර් 4.11 දක්වා ඉහළ යමින් පවතින අතර, මෙහි ද සුළු ගංවතුර තත්ත්වයක් හටගෙන තිබේ.
කළු ගඟ (රත්නපුර), මගුරු ගඟ (මගුර) සහ නිල්වලා ගඟ (තල්ගහගොඩ සහ පානදුගම) - මෙම ප්රදේශ මේ වන විට අවධානම් (Alert) මට්ටමේ පවතින නමුත්, ජල මට්ටම ක්රමයෙන් පහළ යමින් පවතින බව වාර්තා වේ.
ගත වූ පැය 12 තුළ දිවයිනේ ප්රදේශ කිහිපයකට සැලකිය යුතු වර්ෂාපතනයක් ලැබී ඇති අතර, ඉන් වැඩිම වර්ෂාපතනයක් වාර්තා වූ ප්රදේශ පහත පරිදි වේ.
සීතාවක ගඟ (දෙරණියගල): මි.මී. 38.4
මහවැලි ගඟ (පේරාදෙණිය): මි.මී. 33.8
කැලණි ගඟ (කිතුල්ගල): මි.මී. 26.0
කැලණි ගඟ (ග්ලෙන්කෝස්): මි.මී. 23.5
මහවැලි ගඟ (නාවලපිටිය): මි.මී. 19.0
අදාළ ගංගා ද්රෝණි අවට පහත් බිම්වල ජීවත් වන ජනතාව සහ එම මාර්ගවල ගමන් කරන රියැදුරන් හදිසි ආපදා තත්ත්වයන් මඟහරවා ගැනීම සඳහා දැඩි විමසිල්ලෙන් හා ආරක්ෂාකාරීව කටයුතු කරන ලෙස ආපදා කළමනාකරණ අංශ ඉල්ලා සිටී.
