උණුසුම් පුවත්
සූක්ෂම ලෙස සඟවා රටින් පන්නන්න හැදූ පක්ෂීන් 100කට අධික සංඛ්යාවක් සමඟ ලාංකිකයෙකු ඉන්දුනීසියාවේදී මාට්ටු
පක්ෂීන් 100කට අධික සංඛ්යාවක් සමඟ ශ්රී ලාංකිකයෙකු ඉන්දුනීසියාවේදී අත්අඩංගුවට ගෙන තිබේ.
විදෙස් මාධ්ය වාර්තා කළේ, ඉන්දුනිසියාවේ බැන්ටන් හී ජාත්යන්තර ගුවන්තොටුපලකදී ඔහු ඊයේ (05) අත්අඩංගුවට ගෙන ඇති බවයි.
අත්අඩංගුවට ගත් පුද්ගලයා සතුව සිටි විවිධ වර්ගයේ පක්ෂීන් 101 දෙනෙකු සොයාගෙන තිබේ.
මෙම පක්ෂීන් ගමන්මල්ලක කුඩා පෙට්ටි 15ක් තුල ඉතා සූක්ෂම ලෙස සඟවා රටින් පිට කිරීමට උත්සාහ කර ඇති බව වාර්තා වෙයි.
ඉන්දුනීසියානු නීති රෙගුලාසිවලට අනුව එරට සංරක්ෂණය කළ යුතු පක්ෂීන් වර්ග කිහිපයක් ද එහි සිට ඇති බව සඳහන් වෙයි.
අත්අඩංගුවට ගත් සැකකරු සම්බන්ධයෙන් එරට නිරෝධායන කාර්යාලය සහ ස්වභාවික සම්පත් කාර්යංශය විසින් වැඩිදුර විමර්ශන ආරම්භ කර තිබේ.
