උණුසුම් පුවත්
හිටපු ජනපති රනිල්ගේ ප්රධානත්වයෙන් ජයට සැමරූ එජාප 80 වැනි සංවත්සරය
එක්සත් ජාතික පක්ෂයේ 80 වැනි සංවත්සර සැමරුම හිටපු ජනාධිපති රනිල් වික්රමසිංහ මහතාගේ ප්රධානත්වයෙන් අද (06) පෙරවරුවේ සිරිකොත පක්ෂ මූලස්ථානයේදී පැවැත්වුණි.
1946 වසරේ සැප්තැම්බර් 6 වනදා හිටපු අග්රමාත්ය මහාමාන්ය ඩී.එස් සේනානයක මහතා ඇතුළු නායකයින් ආරම්භ කළ එක්සත් ජාතික පක්ෂයට අදට වසර 80ක් සපිරෙයි.
ඒ වෙනුවෙන් සැමරුම් උත්සවයක් අද පෙරවරුවේ මෙලෙස පිටකෝට්ටේ පිහිටි සිරිකොත පක්ෂ මූලස්ථානයේදී පැවැත්වුණි.
ඒ සඳහා සමගි ජන බලවේගය, ශ්රී ලංකා නිදහස් පක්ෂය, ශ්රී ලංකා පොදුජන පෙරමුණ, එක්සත් ජනරජ පෙරමුණ ඇතුළු දේශපාලන පක්ෂ රැසක නියෝජිතයින්ද ආරාධිතයන් ලෙස එක්වුණි.
සංවත්සර සැමරුම ඇරඹුණේ, එක්සත් ජාතික පක්ෂ නායක, හිටපු ජනාධිපති රනිල් වික්රමසිංහ මහතාගේ පැමිණීමෙන් අනතුරුවයි.
මේ අතර, එක්සත් ජාතික පක්ෂයේ සංවත්සර මහා සමුළුව එළැඹෙන දෙසැම්බර් මාසයේදී පැවැත්වීමට නියමිතයි.
