භූතානයේ නිල සංචාරයක නිරත අග්රාමාත්ය ආචාර්ය හරිනි අමරසූරිය භූතාන අග්රාමාත්ය දාෂෝ ෂෙරින් ටොබ්ගේ හමුවී තිබේ.
2026 සවිඥානික ආහාර පද්ධති පිළිබඳ ගෝලීය සමුළුවෙහි ප්රධාන දේශකවරිය ලෙස සහභාගී වීම සඳහා භූතානයේ නිල සංචාරයක නිරත අග්රාමාත්යවරිය තිම්පු නුවරදී භූතාන අග්රාමාත්යවරයා හමුවු බව අග්රාමාත්ය කාර්යාලය සඳහන් කළේය.
ශ්රී ලංකාව සහ භූතානය අතර දීර්ඝ කාලයක් පුරා පවතින ද්විපාර්ශ්වික සබඳතා තවදුරටත් ශක්තිමත් කිරීම සහ දෙරට අතර සහයෝගීතාව තවදුරටත් ඉහළ නැංවීම පිළිබඳව මෙහිදි අවධානය යොමුව තිබේ.
අධ්යාපනය, සෞඛ්යය, වෙළෙඳාම, සංචාරක කර්මාන්තය, ගුවන් සම්බන්ධතා ඇතුළු දෙපාර්ශ්වයටම වැදගත් වූ පුළුල් ක්ෂේත්ර රැසක් පිළිබඳ දෙරටේ නායකයින් අතර අදහස් හුවමාරු වී ඇති බව සඳහන් වෙයි.
දේශගුණික විපර්යාසවලින් ඇතිවන අභියෝගවලට මුහුණදීම, වන විනාශය වැළැක්වීම, පරිසරය ආරක්ෂා කිරීම සහ තිරසාර සංවර්ධනය ප්රවර්ධනය කිරීම සඳහා සහයෝගීතාව තවදුරටත් ශක්තිමත් කිරීම සම්බන්ධයෙන්ද දෙපාර්ශ්වය අතර අදහස් හුවමාරු වී තිබේ.
එමෙන්ම දීර්ඝ කාලයක සිට පවතින මිත්රත්වය තවදුරටත් ශක්තිමත් කිරීමටත්, පොදු උනන්දුවක් දක්වන විවිධ ක්ෂේත්ර ඔස්සේ දෙරටටම ප්රතිලාභ සැලසෙන සහයෝගීතාව පුළුල් කිරීමටත් මෙම හමුව මඟින් යළිත් තහවුරු වු බව අග්රාමාත්ය කාර්යාලය වැඩිදුරටත් සඳහන් කළේය.
