කුරුණෑගල දිස්ත්රීක් එ.ජා.ප පාර්ලිමේන්තු මන්ත්රී දයාසිරි ජයසේකර මහතා අද දිනයේ ජනාධිපති මහින්ද රාජපක්ෂ මහතා හමුවීමට නියමිත බව දේශපාලන ආරංචි මාර්ග සඳහන් කරයි.
ගනු ලැබීමට නියමිත දේශපාලන තීන්දුවක් සම්බන්ධයෙන් සාකච්ඡා කිරීම සඳහා මෙම හමුව සිදුවන බව එම ආරංචි මාර්ග කියා සිටියි.
දයාසිරි ජයසේකර මහතා සන්ධාන ආණ්ඩුවට එක්වනු ඇති බවටත් , වයඹ පළාත් සභා මැතිවරණයේදී සන්ධානයේ මහ ඇමති අපේක්ෂකයා ලෙස ඉදිරිපත්වනු ඇති බවටත් පසු ගිය දිනවල වාර්තා පළවිය.
එහෙත් එකී වාර්තා සියල්ල අසත්යය බවත් , තමන් කිසි දිනෙක පක්ෂය හැර නොයන බවත් දයාසිරි ජයසේකර මහතා පුන පුනා සඳහන් කළේය.
මේ අතර දයාසිරි ජයසේකර හා බුද්ධික පතිරණ යන මන්ත්රීවරුන්ට එරෙහිව එක්සත් ජාතික පක්ෂය විසින් සිදුකරනු ලැබූ විනය පරීක්ෂණ අත්හිටුවීමට පසු ගියදා රැස්වුණු කෘත්යාධිකාරී මණ්ඩලය තීරණය කර තිබුණි.
අද දහවල් ජයසේකර මන්ත්රීවරයාගෙන් සවස 3.00 ට පාර්ලිමේන්තු සංකීර්ණයේ මාධ්ය හමුවක් පැවැත්වෙන බව ත්, ඒ මොහොතේ හෙතෙම ස්වකීය දේශපාලන තීන්දුව ප්රකාශයට පත්කරනු ඇති බවත් සඳහන්ය.
