අමෙරිකාවේ ඔරිගන් ප්‍රාන්තයේ පාසලක සිදුවූ වෙඩිතැබීමකින් ළමුන් තිදෙනෙකු සහ ගුරුවරයෙකු ජීවිතක්ෂයට පත්ව තිබේ.
අවුරුදු 16ක තරුණයෙකු විසින් මෙම ප්‍රහාරය එල්ල කර ඇති අතර, පසුව ප්‍රදේශවාසීයෙකු විසින් එල්ල කරන ලද ප්‍රතිප්‍රහාරයකින් ඔහුද මියගොස් ඇත.
අගුළු දමා තිබූ දොරවල්වලට වෙඩිතබා සැකකරු බලහත්කාරයෙන් පාසලට ඇතුළු වී ඇති බව පොලිසිය පවසයි.
සැකකරු පාසලට ඇතුළු වීම දුටු ප්‍රදේශවාසීයෙකු ඔහු පසුපස හඹා ගොස් වෙඩිතබා මෙම ප්‍රහාරය මැඩපැවැත්වූ බව බෙන්ඩ් නගරයේ පොලිස් ප්‍රධානී අනාවරණය කර ඇත.
මෙම අවාසනාවන්ත සිද්ධියෙන් ජීවිතක්ෂයට පත් වූ දරුවන් තිදෙනා වයස අවුරුදු 5, 8 සහ 11 යන වයස්වල පසුවන්නන් වෙයි.
තවත් 7ත් හැවිරිදි දරුවෙකු සහ 54 හැවිරිදි ගුරුවරයෙකු බරපතළ තත්ත්වයෙන් රෝහල්ගත කර ඇත.
වෙඩික්කරුට පාසල සමග කිසියම් සබඳතාවක් තිබුණේද යන්න හෝ වෙඩික්කරු පිළිබඳ වැඩිදුර තොරතුරු මෙතෙක් හෙළිකර නොමැත.
