update:3.57pm
සිරදඬුවම් නියම වී සිටින හිටපු නියෝජ්‍ය අමාත්‍ය සරණ ගුණවර්ධන මහතාට එරෙහිව කොළඹ මහාධිකරණය අංක 11 අධිකරණයේ විභාග වන තවත් අල්ලස් නඩුවකට අදාළව ඉදිරි පියවර ගැනීම වළක්වාලමින් අභියාචනාධිකරණය විසින් අතුරු තහනම් නියෝගයක් නිකුත් කර තිබේ.
සිරදඩුවම් නියම වි සිටින සරණ ගුණවර්ධන මහතා සිය නීතිඥවරු මාර්ගයෙන් ඉදිරිපත් කළ පෙත්සමක් සලකා බැලීමෙන් පසුව අභියාචනාදීකරණයේ සභාපති විනිසුරු රොහාන්ත අබේසූරිය සහ ප්‍රියන්ත ප්‍රනාන්දු යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල විසින් මෙම නියෝගය නිකුත් කළේය.
පෙත්සම අද (14) කැඳවූ අවස්ථාවේදී පෙත්සම්කරු වෙනුවෙන් නීතීඥ රම්සි භාචා මහතාගේ උපදෙස් මත පෙනී සිටි ජනාධිපති නීතිඥ අලි ශබ්රි මහතා අධිකරණය හමුවේ කරුණු දක්වමින් සිරදඬුවම් නියම වී සිටින සිය සේවා දායකයාට එරෙහිව අල්ලස් කොමිසම විසින් ගොනු කරන ලද තවත් අල්ලස් නඩුවක් කොළඹ මහාධිකරණ අංක 11 මහාධිකරණයේ විභාග වන බවයි.
සිය සේවාදායිකයාට එරෙහිව ගොනු කර තිබෙන අල්ලස් නඩුව සදහා අත්හිට වූ සිර දඬුවමක් ලබා ගැනීම සඳහා අල්ලස් ලබා දුන්නේ යැයි කියන සිද්ධියක් සම්බන්ධයෙන් අධිකරණ සේවකයෙකු සහ සරණ ගුණවර්ධනගේ බිරිඳ අත්අඩංගුවට ගැනීමෙන් පසුව මෙම නඩුකරය වෙනත් අධිකරණයකට මාරු කරන ලෙස ඉල්ලීම් කළත් මහාධිකරණ විනිසුරුවරයා එම ඉල්ලීම ප්‍රතික්ෂේප කළ බවත් ජනාධිපති නීතිඥවරයා පෙන්වා දුන්නේය.
මෙම නඩුකරයට අදාළ විත්තියේ සාක්කි කැඳවීම ලබන 23 වනදාට නියම කර ඇති බවත් මෙම පෙත්සම සම්බන්ධයෙන් ඉදිරි පියවර ගන්නා තෙක් මහාධිකරණය හමුව පැවැත්වෙන නඩු කටයුතු තාවකාලිකව නවත්වන නියෝගයක් නිකුත් කරන ලෙසත් ජනාධිපති නීතිඥවරයා අධිකරණයෙන් ඉල්ලා සිටියේය.
එමෙන්ම අදාල නඩුකරය අංක 11 මහාධිකරණයෙන් ඉවත්කර වෙනත් අධිකරණයකට මාරු කරන ලෙස නියෝගයක් නිකුත් කරන ලෙසත් ජනාධිපති නීතිඥවරයා අධිකරණයෙන් අයැද සිටියේය.
ඒ අනුව ඉදිරිපත් වූ කරුණු සලකා බැලූ විනිසුරු මඩුල්ල මෙම මෙම පෙත්සම යළි 28 වනදා කැඳවන ලෙස නියම කළ අතර අදාල පෙත්සමේ වග උත්තරකරුවන් වශයෙන් නම් කර සිටින අල්ලස් කොමිසමේ අධ්‍යක්ෂ ජෙනරල්වරයා වෙත නොතීසි නිකුත් කිරීමට පියවර ගන්නා ලෙසත් නියම කළේය.
සිරදඬුවම් නියම වී සිටින හිටපු නියෝජ්‍ය අමාත්‍ය සරණ ගුණවර්ධන මහතාට එරෙහිව කොළඹ මහාධිකරණය අංක 11 අධිකරණයේ විභාග වන තවත් අල්ලස් නඩුවකට අදාළව ඉදිරි පියවර ගැනීම වළක්වාලමින් අභියාචනාධිකරණය විසින් අතුරු තහනම් නියෝගයක් නිකුත් කර තිබේ.
සිරදඩුවම් නියම වි සිටින සරණ ගුණවර්ධන මහතා සිය නීතිඥවරු මාර්ගයෙන් ඉදිරිපත් කළ පෙත්සමක් සලකා බැලීමෙන් පසුව අභියාචනාදීකරණයේ සභාපති විනිසුරු රොහාන්ත අබේසූරිය සහ ප්‍රියන්ත ප්‍රනාන්දු යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ල විසින් මෙම නියෝගය නිකුත් කළේය.
