උණුසුම් පුවත්
ඥානසාර හිමි නිදහස් කර ගැනීමේ පාගමන අද පස්වැනි දිනටත්
බන්ධනාගාරගතව සිටින පූජ්‍ය ගලගොඩඅත්තේ ඥානසාර හිමි නිදහස් කරන ලෙස ඉල්ලා මහා සංඝරත්නයේ මූලිකත්වයෙන් ආරම්භ වූ ‘සිවුරට යුක්තිය - නිදහසේ පා ගමන‘ පස් වන දිනය අදයි.
පූජ්‍ය උලපනේ සුමංගල හිමි පැවසුවේ අද (14) දිනයේ නිට්ටඹුව නගරයෙන් ආරම්භ වන පාගමන කඩවත නගරය දක්වා පැමිණීමට නියමිත බවය.
මෙම පාද යාත්‍රාව පසුගිය 10 වැනිදා මහනුවර ඓතිහාසික ශ්‍රී දළදා මාලිගා පරිශ්‍රයෙන් ආරම්භ කෙරිණි.
එදින පාද යාත්‍රාව කඩුගන්නාව දක්වා ගමන් කිරීමෙන් අනතුරුව පළමු දිනය නිමා කර තිබිණි.
දෙවැනි දිනයේදී කඩුගන්නාවෙන් ආරම්භ වූ පාද යාත්‍රාව කෑගල්ල දක්වා ගමන් කළේය.
තෙවැනි දිනට කෑගල්ල නගරයෙන් ආරම්භ වූ පාද යාත්‍රාව වරකාපොළ නගරය දක්වා පැමිණ තිබේ.
හෙට (15) දිනයේ දී මෙම පාගමන කොළඹට ළඟාවීමට නියමිත බව වාර්තා වේ.
