නුවරඑළිය, අඹේවෙළ පට්ටිපොළ සංරක්ෂිත රක්ෂිතය තුළ අනවසරයෙන් මැණික් ගරමින් සිටි පුද්ගලයන් පස් දෙනෙකු වන නිලධාරීන් විසින් අත්අඩංගුවට ගෙන තිබේ.
නුවරඑළිය දිසා වනනිලධාරී කාර්යාලයේ නිලධාරීන් විසින් ඊයේ(12) මෙම සැකකරුවන් අත්අඩංගුවට ගෙන ඇති අතර, අද දින නුවරඑළිය මහෙස්ත්‍රාත් බුද්ධිකා හර්ෂනී ධර්මදාස මහත්මිය වෙත ඉදිරිපත් කර ඇත.
එහිදී සැකකරුවන් අධිකරණය හමුවේ වරද පිළිගැනීම හේතුවෙන් මහේස්ත්‍රාත්වරිය විසින් පහත පරිදි දඩ නියම කරන ලදී:
එක් සැකකරුවෙකුට රුපියල් 45,000 බැගින් සැකකරුවන් පස් දෙනා සඳහා රුපියල් 225,000ක දඩ මුදලක් නියම කර තිබේ.
එලෙසම රක්ෂිතයට සිදුකළ අලාභය වෙනුවෙන් රුපියල් 25,000ක මුදලක් ද ගෙවන ලෙස නියෝග කර තිබේ.
මෙම සැකකරුවන් දින ගණනාවක් තිස්සේ කොත්මලා ඔයට ජලය ගලා බසින ඇල්ජින් ඔය අසළ විශාල වළවල් කපා, එම වළවල් තුළ වූ මැණික් ඉල්ලම් පස් ගොඩගෙන ඇල්ජින් ඔයටම සෝදා විශාල පරිසර හානියක් සිදු කර ඇති බව සඳහන් වෙයි.
