සයුරෙන් එතෙර
හෝමූස් සන්ධියේ ආරක්ෂිත ගමනාගමන මාර්ග පිළිබඳව ඕමානය සහ ඉරානය අතර එකඟතාවක්
හෝමූස් සමුද්‍ර සන්ධිය (Strait of Hormuz) හරහා ආරක්ෂිත ගමනාගමන මාර්ග පිහිටුවීම සම්බන්ධයෙන් ඕමානය සහ ඉරානය එකඟතාවකට පැමිණ ඇති බව විදෙස් මාධ්‍ය පවසයි.
ඒ පිළිබඳ ඒකාබද්ධ යෝජනාවක් ජාත්‍යන්තර ප්‍රජාව වෙත ඉදිරිපත් කිරීමට නියමිත බව ඉරාන විදේශ අමාත්‍යාංශයේ ප්‍රකාශක ඉස්මයිල් බඝායි (Esmaeil Baghaei) ප්‍රකාශ කර තිබේ.
විදෙස් මාධ්‍ය වාර්තා කරන පරිදි, කලාපීය සාමය සහ සමුද්‍රීය ආරක්ෂාව තහවුරු කිරීම අරමුණු කරගනිමින් දෙරට අතර මෙම එකඟතාව ඇති කරගෙන ඇත.
මෙම විශේෂ යෝජනාව හරහා හෝමූස් සමුද්‍ර සන්ධිය ඔස්සේ සිදුවන නාවික ගමනාගමනයේ සුරක්ෂිතතාව තවදුරටත් ඉහළ නැංවීමට සහ ජාත්‍යන්තර වෙළෙඳාමට සහනදායී පසුබිමක් නිර්මාණය කිරීමට අපේක්ෂා කෙරේ.
මෙමගින් කලාපීය නාවික ගමනාගමන තත්ත්වයන් මෙන්ම බලශක්ති සැපයුම් මාර්ගවල ස්ථාවරත්වය සුරක්ෂිත කිරීම කෙරෙහි වැඩි අවධානයක් යොමු කර ඇති බවද වාර්තා වේ.
