දුරගමන් සේවා පුද්ගලික බස් රථවල මගීන්ගේ මෙන්ම රියදුරන්ගේ ආරක්ෂාව තහවුරු කිරීමේ අරමුණින් කෘතිම බුද්ධි (AI) තාක්ෂණය හඳුන්වාදීමේ නියමු ව්යාපෘතියක් ආරම්භ කර තිබේ.
ප්රවාහන, මහාමාර්ග හා නාගරික සංවර්ධන අමාත්ය බිමල් රත්නායක සහ නියෝජ්ය අමාත්ය ප්රසන්න ගුණසේන යන මහත්වරුන්ගේ උපදෙස් පරිදි, මාර්ග ආරක්ෂාව පිළිබඳ ජාතික සභාවේ සම්බන්ධීකරණයෙන් සහ ජාතික ගමනාගමන කොමිෂන් සභාවේ මෙහෙයවීමෙන් මෙය ක්රියාත්මකය.
මෙම ව්යාපෘතියේ පළමු අදියර යටතේ කොළඹ බැස්ටියන් මාවත බස් නැවතුම්පොළේදී දුර ගමන් පුද්ගලික බස් රථ සඳහා තාක්ෂණික මෙවලම් සවිකිරීමේ කටයුතු අද (5) සිදුකෙරිණි.
මූලිකව බස් රථ 10ක් සඳහා මෙම AI පද්ධති සවිකරන අතර, ඒවායේ සාර්ථකත්වය සහ ක්රියාකාරීත්වය නිරීක්ෂණය කිරීමෙන් අනතුරුව දිවයින පුරා ධාවනය වන අනෙකුත් බස් රථ සඳහා මෙම තාක්ෂණය ව්යාප්ත කිරීමට සැලසුම් කර ඇත.
මෙම තාක්ෂණය මගින් රියදුරන් වැරදිකරුවන් කිරීම වෙනුවට ගමන ආරම්භයේ සිට අවසානය දක්වාම බස් රථයේ අභ්යන්තරය සහ රියදුරු නිරීක්ෂණ කටයුතු නිරන්තරයෙන් සිදුකෙරේ.
ධාවනය අතරතුර රියදුරුට නිදිමත හෝ වෙහෙසකර තත්ත්වයක් පැමිණීම, දුරකථන භාවිතය, සහ ආසන බඳපටි නොපැළඳීම වැනි අනාරක්ෂිත ක්රියාවලියක් සිදුවන බවට අනාවරණය වුවහොත් 'Voice Message' හරහා පණිවුඩයක් යොමුකරමින් අනතුරු ඇඟවීම් නිකුත් කරයි.
එමගින් අනතුරු වළක්වා ගනිමින් ආරක්ෂිත ගමනාගමනයක් තහවුරු කිරීමට මගපෑදේ.
