තම පෙම්වතා වෙනත් සබඳතාවයක් පවත්වාගෙන යන බවට සැක සිතී තරුණියක් මුන්දලම නවඩන්කුලම ප්රාදේශයෙදී දුම්රියට පැන සියදිවි නසාගෙන ඇති බව මුන්දලම පොලීසිය පවසයි.
මෙලෙස අවාසනාවන්ත ලෙස ජීවිතයෙන් සමුගෙන ඇත්තේ, මුන්දලම නුගසෙවන ගම පදිංචිව සිටි ආර් .ඒ. පියුමි මල්ශානී නැමති 20 හැවිරිදි පුද්ගලික ඇඟලුම් ආයතනයක සේවය කරමින් සිටි සේවිකාවකි.
මාරවිල ප්රදේශයේ ඇඟලුම් ආයතනක සේවය කරමින් සිට ඇති තරුණිය එම ඇඟලුම් ආයතනයේම සේවය කරනු ලබන තරුණයකු සමග ප්රේම සම්බන්ධතාවයක් පවත්වාගෙන ගොස් ඇති බවත් එම තරුණයාද නිතර තරුණියගේ නිවසට පැමිණ ඇති බවත් පොලීසියට අනාවරණය වී තිබේ.
කෙසේ වෙතත් දෙදෙනා අතර නිරන්තයෙන් දුරකථන ඇම්තුම්වලදී බහින් බස්වීම් සිදුවන බව ඇගේ මව පොලීසියට ප්රකාශක් ලබා දී ඇත.
එක්වරම තරුණිය නිවසින් පිටව මුහුණ සෝදාගෙන බව මවට පවසා නිවසින් බැහැරව ගොස් ඇත.
පසුව මව ඈත දුම්රියක් පැමිණෙන බව දැක දියණියට කෑ ගසා ඇති අතර, දියණිය මවට අත වනා එක්වරම දුම්රිය මාර්ගයේ බිම වාඩිවූ බව වාර්තා වේ.
දුම්රියේ ගැටී බරපතළ තුවාල ලැබූ දියණිය එම ස්ථානයේ ම මියගොස් ඇති අතර, සිරුර පුත්තලම මුලික රෝහලේ තැන්පත් කර තිබේ.
ඉතා රූමත් තරුණියක් වන මියගිය තරුණිය ටික් ටෝක් සමාජ මාධ්ය තුළ ජනප්රිය චරිතයක් බවත් ඇයට විශාල ග්රාහක පිරිසක් සිටින බවත් වාර්තා වේ.
