කොවිඩ් ව්යාප්තියෙන් නවසීලන්ත ආර්ථිකයට දැඩි බලපෑම් එල්ල වීම හේතුවෙන් නවසීලන්තය දැඩි ආර්ථික අවපාතයකට මුහුණ දී ඇත.
1987 වර්ෂයෙන් පසු නවසීලන්තය මුහුණ දී ඇති දැවැන්තම ආර්ථික අවපාතය ලෙස මෙය සැළකේ.
රටේ දළ දේශීය නිෂ්පාදනය 12.2% පහළ ගොස් ඇති බව නවසිලන්ත ආර්ථික විශ්ලේෂකයින් පෙන්වා දෙයි.
රට වසා දැමීම ඊට මූලික හේතුව බව ඔවුන් කීය.
මේ වනවිට නවසීලන්තය කොවිඩ් ව්යාප්තියේ දෙවන රැල්ලටද මුහුණ පා සිටී.
ඒ හමුවේ එරට විශාලතම නගරය වන ඕක්ලන්ඩ් හුදෙකලා කිරීමට පියවර ගැනුණි.
තත්ත්වය පාලනය වීම හේතුවෙන් තවත් සතියක් ඇතුළත රට පුරා පැනවූ සීමා ලිහිල් කිරීමට පියවර ගන්නා බව අගමැතිනී ජසින්ඩා ආර්ඩන් පසුගියදා නිවේදනය කළාය.
ඒ සමග ගුවන්ගමන් සීමාද ලිහිල් කිරීමට පියවර ගන්නා බව ඇය පැවසුවාය.
කෙසේ වෙතත් පොදු ප්රවාහන සේවා භාවිතයේදී මුඛ ආවරණ පැළඳීම තවදුරටත් අනිවාර්ය කර තිබේ.
අඛණ්ඩව නවසීලන්තයෙන් වාර්තා වන දෛනික කොවිඩ් ආසාදිතයන් සංඛ්යාවේ ද විශාල අඩුවීමක් මේ වනවිට පෙන්නුම් කරයි.
දෙවැනි රැල්ල හමුවේ වුවද එරටින් තහවුරු වී ඇත්තේ රෝගීන් 2,000 කටත් වඩා අඩු සංඛ්යාවක් වීම විශේෂත්වයකි.
