උණුසුම් පුවත්
මහින්ද හොරකම් කළත් රටේ වැඩක් වුණා
Jul 13, 201701:37 PM
මහින්ද රාජපක්ෂ මහතා වසර 10 කින් සිදුකළ හොරකම්වලට වඩා වත්මන් රජය වසර 2 ක් තුළ හොරකම් සිදුකර ඇති බවත්, මහින්ද රාජපක්ෂ මහතා හොරකම් සිදුකළත් රටට වැඩක් සිදු කළ බවත්, පැවිදි හඬ සංවිධානයේ සභාපති පූජ්‍ය මුරුත්තෙට්ටුවේ ආනන්ද හිමියන් පවසයි.
අද(13) පෙරවරුවේ පැවති එම සංගමයේ මාධ්‍ය හමුවකට එක්වෙමින් උන්වහන්සේ මෙම අදහස් දැක්වීය.
අද වන විට රට ප්‍රපාතයකට ගොස් ඇති බවත්, රජය බලයට පත්වන විට පැවසු වෙනස අද සැපක් වී ඇත්දැයි උන් වහන්සේ මෙහිදී ප්‍රශ්න කර සිටියේය.
කෙසේ හෝ 1948 වසරින් පසු බලයට පත්වු වැඩිම ව්‍යවසනයන්ට මුහුණ දුන් රජය වත්මන් ආණ්ඩුව බවත් පැවසු ආනන්ද හිමියන් තව දුරටත් කියා සිටියේ අද වන විට රටට අවශ්‍ය වී ඇත්තේ නව ව්‍යවස්ථාවක් නොව ජිවත් වීමේ ක්‍රමයක් බවයි.
මේ අතර රටට විපත්තියක් වු සෑම අවස්ථාවකදීම මහා සංඝයා අතීතයේ සිටම ඉදිරිපත් වු බවත්, වත්මන් ආණ්ඩුව විසින් සිදු කරනු ලබන ජනතා විරෝධී ක්‍රියාදාමයන් තව දුරටත් ඉවසිය නොහැකි බැවින් ඉතා ඉක්මනින් මහනායක හිමිවරුන් දැනුවත් කර උන්වහන්සේලාගේ ආරාධනය සහිතව මහා සංඝ සම්මේලනයක් පැවැත්වීමට කටයුතු කරන බවත්, පූජ්‍ය මුරුත්තෙට්ටුවේ ආනන්ද හිමියන් වැඩිදුරටත් කියා සිටියේය.
