රට තුළ පවතින තත්ත්වය සැලකිල්ලට ගනිමින් පාරිභෝගිකයින් සඳහා බිල්පත් ගෙවීමේ දී සහන කාලයක් ලබා දෙන ලෙස සියලුම ටෙලිකොම් දුරකථන, ජංගම දුරකථන හා සෘජු දුරකථන මෙන්ම කේබල් ටී.වී. සේවා සපයන්නන් හට ශ්රී ලංකා විදුලි සංදේශ නියාමන කොමිෂන් සභාව උපදෙස් ලබා දී තිබේ.
කොරෝනා වෛරසයට එරෙහි වැඩපිළිවෙලේ දී තොරතුරු බෙදාහැරිම සඳහා සම්බන්ධතා පැවැත්වීම මෙම කාල පරිච්ඡේදයේ දී අත්යාවශ්ය වන බැවින් ජනාධිපති ගෝඨාභය රාජපක්ෂ මහතාගේ උපදෙස් පරිදි මෙම පියවර ගෙන ඇති බව රජයේ ප්රවෘත්ති දෙපාර්තමේන්තුව පවසයි.
ඒ අනුව පසුගෙවුම් පාරිභෝගිකයින් සඳහා බිල්පත් ගෙවීමට සහන කාලයක් සලසා එම සේවාවන් අඛණ්ඩව පවත්වාගෙන යන ලෙස විදුලි සංදේශ නියාමන කොමිෂන් සභාව සේවා සපයන සමාගම් වෙත උපදෙස් ලබා දී තිබේ.
පෙරගෙවුම් පාරිභෝගිකයින් සඳහා ද හදිසි ණය පහසුකමක් සහ අමතර කතා කාලයක් ලබාදීමේ යාන්ත්රණයක් ක්රියාත්මක කරන ලෙස දුරකථන හා කේබල් ටී.වි.සපයන සමාගම් වෙත විදුලි සංදේශ නියාමන කොමිෂන් සභාව දැනුම් දී ඇත.
මේ අතර සේවක අර්ථසාධක අරමුදල් ප්රතිලාභ ඉල්ලුම් කරන්නන් හට විද්යුත් ක්රමය මඟින් සිය ඉල්ලුම් පත්ර යොමු කිරීමේ ක්රවේදයක් සකස් කර ඇති බව කම්කරු දෙපාර්තමේන්තුව පවසයි.
ඊට අදාළ සියලු උපදෙස් www.labourdept.gov.lk යන වෙබ් අඩවියෙන් ලබාගත හැකි බව එම දෙපාර්තමේන්තුව නිවේදනය කළේය.
